عظمیٰ نیوزسروس
سرینگر//پولیس نے جمعہ کے روز ایک خاتون کی ساس اور شوہر کو گرفتار کیا جسے گزشتہ سال جنوبی کشمیر کے ضلع اننت ناگ کے پہلگام علاقے میں ایک گائے کے گودام میں مبینہ طور پر قتل اور بعد میں جلا دیا گیا تھا۔ایک پولیس افسر نے بتایا کہ شبنم اختر نامی خاتون کو اس کے شوہر،جو پیشہ سے ایک مزدورہے اور اس کی ساس نے گزشتہ سال 4اکتوبر کو قتل کر دیا تھا۔انہوں نے کہا’’لاپتہ خاتون کے شوہر عمران خان ساکن ہلمولہ ہا پت ناڈ عشمقام پہلگام نے پولیس کی طرف سے پوچھ گچھ کے دوران قبول کیا کہ اس نے اپنی ماں کی مدد سے4اکتوبر کو اپنی بیوی کو قتل کیا اور اس کی لاش کو گائوخانہ میں جلا دیا” ۔ افسر نے بتایا کہ پولیس ٹیم نے ڈیوٹی مجسٹریٹ عشمقام، ایف ایس ایل ٹیم اور ملزم کے ساتھ جائے واردات کا دورہ کیا۔انہوں نے کہا”تفتیش کے دوران تفتیشی ٹیم نے مقتول خواتین کے بال، کچھ ہڈیاں اور سیل فون برآمد کیا اور کیس کی مزید تفتیش کے لیے ڈیوٹی مجسٹریٹ کے سامنے سیل کر دیا”۔ انہوں نے مزید کہا “ایک رسمی مقدمہ زیر نمبر01/2025زیر دفعہ 103(1)،61(2)بی این ایس ملزم شخص اور اس کی والدہ نور حسن زوجہ معظم الدین کے خلاف درج ہے‘‘۔انہوں نے کہا کہ دونوں ملزمان کو کیس کے سلسلے میں باضابطہ طور پر گرفتار کر کے سلاخوں کے پیچھے ڈال دیاگیا۔
