نئی دہلی //یو این آئی//وزیراعظم نریندرمودی نے کل کہاکہ ملک کے کسانوں کا عزم اور جذبہ سب کے لئے ترغیب کا ذریعہ ہے او ر اس لئے حکومت نے ان کی زندگی کو وقار فراہم کرنے اور ان کی کوخوشحالی یقینی بنانے کے لئے پردھان منتری کسان یوجنا شروع کی تھی۔اس یوجنا کے دو برس مکمل ہونے کے موقع مودی نے بدھ کو کئی ٹوئٹ کرکے کہا کہ دو برس پہلے آج کے دن اہل وطن کے لئے اناج پیدا کرنے کے لئے دن رات سخت محنت کرنے والے اپنے محنت کش کاشت کاروں کی زندگی کو وقار فراہم کرنے اور ان کی خوشحالی یقینی بنانے کے مقصد سے پردھان منتری کسان یوجنا شروع کی گئی تھی۔ ہمارے کاشت کاروں کے عزم اور ان کا جذبہ ہمارے لئے ترغیب کا ذریعہ ہے ۔انہوں نے کہا کہ گزشتہ سات برسوں میں حکومت نے زراعت شعبہ میں تبدیلی لانے کے لئے کئی اقدامات کئے ہیں۔ بہتر آبپاشی سے لیکر جدید تکنالوجی تک، زیادہ قرض سے لیکر مناسب زرعی انشورنس کے لئے بازار بنانے تک، مٹی کی ہیلتھ سے لیکر بچولیوں کو ہٹانے تک جامع اقدامات کئے گئے ہیں۔وزیراعظم مودی نے کہا کہ ہماری حکومت نے کم از کم سہارا قیمت میں تاریخی اضافہ کیا ہے ۔ ہم کاشت کاروں کی آمدنی دوگنی کرنے کے لئے ہر ممکن اقدامات کررہے ہیں۔ کاشت کاروں کی فلاح و بہبود کے لئے جو بھی کام کیا گیا ہے۔
حکومت کسانوں کی زندگی میں بدلاؤ لانے کیلئے عہد بند :وزیراعظم
