سمت بھارگو
راجوری//جواہر نگر۔ کھنڈلی روڈ پر ایک نالی کا حصہ بندہونے کی وجہ سے عام لوگوں کی آمد ورفت بھی متاثر ہورہی ہے ۔اس مصروف سڑک پر روزانہ کی بنیاد پر سفر کرنے والے ہزاروں لوگوں کے لئے مذکورہ نالی کافی پریشانی کا باعث بنی ہوئی ہے ۔یہ سڑک جو کہ ایک سیمنٹ کا فرش ہے بارڈر روڈز آرگنائزیشن کے تحت آتی ہے اور اسے پنجہ – کھنڈلی روڈ کہا جاتا ہے اور یہ راجوری شہر کے تقریباً سات گنجان آباد علاقوںکی مرکزی سڑک لنک ہے۔لوئر جواہر نگر پٹرول پمپ کے قریب واقع اس سڑک پر ایک نالہ ٹوٹ پھوٹ کا شکار ہے اور مسافروں کو شدید مشکلات کا سامنا ہے۔
علاقہ مکینوں کا کہنا ہے کہ سڑک کے ایک سرے سے دوسرے سرے تک جانے والا یہ نالہ گزشتہ چھ ماہ سے ٹوٹ پھوٹ کا شکار ہے جس کی وجہ سے لوگوں کو شدید مشکلات کا سامنا ہے۔فہیم احمد نامی ایک مقامی تاجر نے بتایا کہ ’ہزاروں گاڑیاں روزانہ کی بنیاد پر سڑک پر گزرتی ہیں کیونکہ یہ سڑک قصبے کے مختلف علاقوں کے ساتھ ساتھ پورے ضلع کے نصف علاقے کو ضلع ہیڈکوارٹر کے ساتھ ساتھ مرکزی راجوری ٹاؤن سے جوڑتی ہے۔انہوں نے کہا کہ اسٹیل کے پنجرے میں تبدیل ہونے والے اس نالے کی بالائی سطح ٹوٹ پھوٹ کا شکار ہے اور اس کے اوپر سے گزرنے والی گاڑیاں اس میں پھنس جاتی ہیں جس سے کئی بار ٹریفک جام ہو جاتا ہے۔ایک اور تاجر رویندر کمار نے بتایا کہ ایک طرف اس نالے کی اوپری سطح کی تباہی حادثات کا باعث بنتی ہے وہیں دوسری طرف یہ نالہ ریت سے بند پڑا ہے جس کی وجہ سے سیوریج کا پانی سڑک پر بہہ رہا ہے اور آمد ورفت متاثر ہونے کیساتھ ساتھ علاقہ میں بدبو بھی پھیل رہی ہے ۔مقامی لوگوں نے متعلقہ ایگزیکٹیو ایجنسی سے اپیل کی ہے کہ اس بلاک شدہ نالے کی ضروری مرمت کروائی جائے تاکہ اس کے اوپر سے گاڑیوں کے گزرنے میں آسانی ہو۔ضلع انتظامیہ راجوری کے ایک عہدیدار نے بتایا کہ معاملہ پہلے ہی ایگزیکٹو ایجنسی بی آر او کے ساتھ اٹھایا گیا ہے اور جلد ہی نالے کی ضروری مرمت اور صفائی کی جائے گی۔
