سرینگر//جنوبی ضلع کولگام میں گذشتہ شب کے دوران شب نقب زنوں نے اے ٹی ایم کی توڑ پھوڑ کرکے مشین سے نقدی لوٹنے کی کوشش کی۔
ذرائع نے سنیچر کو بتایا کہ ضلع کے چوگام، قاضی گنڈ میں قائم اسٹیٹ بینک آف انڈیا کے ای ٹی ایم کو نقب زنوں نے دوران شب توڑ پھوڑ کرکے اس سے نقدی چرانے کی کوشش کی۔
مقامی ذرائع کے مطابق اے ٹی ایم پر کوئی بھی سیکورٹی گارڈ تعینات نہیں تھا ۔ انہوں نے دعویٰ کیا کہ اس سے قبل بھی علاقے میں اے ٹی ایم مشینوں کو لوٹنے کی وارداتیں رونما ہوچکی ہیں۔
پولیس نے اس ضمن میں کیس درج کرکے تحقیقات شروع کردی ہے۔
