سرینگر//جنوبی ضلع پلوامہ میں سیکورٹی فورسز کے ایک آپریشن کے دوران فورسز اور جنگجوﺅں کے مابین گولیوں کا تبادلہ ہوا جس کے نتیجے میں2جنگجو جاں بحق ہوگئے۔یہ واقعہ پلوامہ کے ٹکن علاقے میں پیش آیا جس کے دوران ایک عام شہری بھی زخمی ہوگیا۔
نیوز ایجنسی جی این ایس کے مطابق مارے گئے جنگجوﺅں کی شناخت ابھی نہیں ہوسکی ہے اور زخمی شہری کو نزدیکی اسپتال پہنچایا گیا ہے جہاں اُس کی حالت مستحکم بتائی جارہی ہے۔
اس سے قبل پولیس ،فوج اور سی آر پی ایف اہلکاروں نے مشترکہ طور ٹکن کو محاصرے میں لیکر تلاشی آپریشن شروع کیا ۔
آپریشن کے دوران چھپے جنگجوﺅں نے فورسز پارٹی پر گولیاں چلائیں اور جوابی کارروائی میںدو جنگجو جاں بحق ہوگئے۔ذرائع کے مطابق گولیوں کے اسی تبادلے میں ایک عام شہری زخمی ہوگیا۔
