یو این آئی
نئی دہلی// مرکزی وزیر داخلہ امت شاہ نے کل کہا کہ کثیر الجماعتی جمہوری نظام میں ملک کے لوگوں کے کھوئے ہوئے اعتماد کو زندہ کرنا وزیر اعظم نریندر مودی کی عوامی زندگی میں سب سے بڑی کامیابی ہے ۔بدھ کو یہاں وگیان بھون میں کتاب ‘مودی@20 ڈریمز میٹ ڈلیوری’ کے اجراء کے موقع پر منعقد پروگرام سے خطاب کرتے ہوئے مسٹر شاہ نے کہا کہ وزیر اعظم نریندر مودی ایک منفرد محب وطن اور ملک کے لیے وقف لیڈر ہیں جن پر لوگوں کا اٹل اعتماد ہے ۔انہوں نے کہاکہ ”مودی جی نے ملک کے لیے خود کو وقف کر دیا ہے اور اپنا بہترین دے کر لوگوں کا اعتماد جیت لیا ہے اور وہ ملک کے غیر متنازعہ لیڈر ہیں۔ اگر کوئی ان سے پوچھے کہ مسٹر مودی کی پچاس سالہ عوامی زندگی کی سب سے بڑی کامیابی کیا ہے تو میں کہوں گا کہ انہوں نے ملک کے عوام میں کثیر الجماعتی جمہوری نظام پر کھوئے ہوئے اعتماد کو واپس لایا ہے جو کہ سب سے بڑی کامیابی ہے ۔ ’’مسٹر شاہ نے کہاکہ ‘‘میں بہت کم عمر سے ہی جمہوری نظام کا طالب علم رہا ہوں۔ سال 2012 اور 2014 اور اس کے درمیان ایک ایسا دور آیا جب کثیر الجماعتی جمہوری نظام کے نظام سے ملک کا اعتماد اٹھ گیا۔
