نئی دہلی// ای-گورننس خدمات کی فراہمی میں جموں اور کشمیر ہندوستان کے تمام مرکزی زیر انتظام علاقوں میں سرفہرست ہے، جس نے اسے سالانہ تقریباً 200 کروڑ روپے کی بچت کرنے میں بھی مدد فراہم کی ہے جو کہ 2 راجدھانیوں جموں اور سرینگر کے درمیان سالانہ دربار مو کے دوران فزیکل فائلوں اور دیگر نقل و حمل کے اخراجات وغیرہ میں خرچ ہوتے تھے۔ مرکزی وزیر ڈاکٹر جتیندر سنگھ نے نیشنل ای گورننس سروس ڈیلیوری اسسمنٹ رپورٹ جاری کرتے ہوئے کیا۔ڈاکٹر جتیندر سنگھ نے بتایا کہ مرکز کے زیر انتظام علاقوں کے زمرے میں، جموں اور کشمیر کا پہلی بار جائزہ لیا گیا اور اس نے چھ شعبوں کے لیے تمام UTs میں سب سے زیادہ اسکور کیا۔ انہوں نے کہا، 31 اکتوبر 2019 سے جموں و کشمیر تنظیم نو ایکٹ 2019 کے نافذ ہونے کے بعد، جموں و کشمیر گڈ گورننس انڈیکس رکھنے والا ملک کا پہلا UT بن گیا اور 20 کے لیے ڈسٹرکٹ گڈ گورننس انڈیکس شروع کرنے والا بھی پہلاخطہ ہے۔ ڈاکٹر جتیندر سنگھ نے کہا، جموں و کشمیر میں دو سیکرٹریٹوں کا کام ای-آفس کی وجہ سے ممکن ہوا اور اس نے سرینگر اور جموں کے دو دارالحکومتوں کے درمیان فائلوں کے 300 سے زیادہ ٹرکوں سے بھرے سالانہ دربار مو اقدام کو ختم کر دیا۔ اس سے سالانہ 200 کروڑ روپے کی بھی بچت ہوئی اور جموں اور سرینگر میں بالترتیب فائلوں کو ترتیب دینے کے لیے چھ ہفتوں کے کسی سرکاری وقفے کے بغیر پورے UT میں کام کے کلچر میں خلل نہیں پڑا۔وزیر موصوف نے کہا کہ ای-آفس کو اپنانے سے جموں اور سرینگر دونوں سکریٹریٹس کو بیک وقت چلانے کے قابل بنایا گیا ہے اور یہ دربار موو کی مشق سے متعلق سب سے بڑی اصلاحات میں سے ایک ہے۔ڈاکٹر جتیندر سنگھ نے آج نیشنل ای-گورننس سروس ڈیلیوری اسیسمنٹ 2021، NeSDA 2021 کا دوسرا ایڈیشن جاری کیا۔ یہ رپورٹ ریاستوں، مرکز کے زیر انتظام علاقوں، اور شہریوں کو آن لائن خدمات کی فراہمی میں ان کی تاثیر پر مرکزی وزارتوں پر توجہ مرکوز کرتے ہوئے تیار کی گئی ہے۔ رپورٹ حکومتوں کو اپنے ای گورننس سروس ڈیلیوری سسٹم کو مزید بڑھانے کے لیے تجاویز بھی فراہم کرتی ہے۔ڈاکٹر جتیندر سنگھ نے کہا، 28 وزارتوں/محکموں نے پہلے ہی ای-آفس ورژن 7.0 کو اپنایا ہے۔
جموں کشمیر ای-گورننس میں سر فہرست دربار مو بند ہونے سے 200کروڑ کی بچت ہوئی:جتیندر سنگھ
