عظمیٰ نیوز سروس
جموں//لیفٹیننٹ گورنر منوج سنہا نے جموں میں سکھ کرکٹ پریمیئر لیگ کے پہلے ایڈیشن کا افتتاح کیا۔لیفٹیننٹ گورنر نے کہا کہ “یہ صرف ایک کھیلوں کا ایونٹ نہیں ہے بلکہ ایک ثقافتی اور سماجی پہل ہے جو جامع کمیونٹی کی ترقی کے عزم کی عکاسی کرتا ہے اور اس کا مقصد جموں و کشمیر میں سکھ برادری کے نوجوانوں کے لیے ایک روشن مستقبل کی تعمیر کرنا ہے۔”انہوں نے آل جموں و کشمیر سکھ کوآرڈینیشن کمیٹی کو مبارکباد پیش کی کہ وہ سکھ برادری کو بااختیار بنانے اور اس کے بھرپور ورثے کے تحفظ میں اس طرح کے اختراعی پروگراموں کے ذریعے اہم کردار ادا کر رہے ہیں، جبکہ اس کے نوجوانوں میں معاشرے اور قوم کے تئیں فخر اور ذمہ داری کا احساس پیدا کیا ہے۔لیفٹیننٹ گورنر نے کہا”آج، جموں کشمیر جامع ترقی کے لیے کام کر رہا ہے، جس کا مطلب سماج کے تمام طبقات کی سماجی و اقتصادی ترقی ہے۔ اس طرح کے اقدامات مساوی ترقی اور سماجی و اقتصادی تبدیلی کی کلید رکھتے ہیں۔ یہ اتحاد، نظم و ضبط اور ہم آہنگی کے نظریات اور اقدار کو بھی فروغ دیتا ہے،” ۔لیفٹیننٹ گورنر نے انفراسٹرکچر کو بہتر بنانے، مواقع فراہم کرنے اور مختلف شعبوں میں نئی راہیں کھول کر نوجوانوں کو بااختیار بنانے کے لیے پبلک پرائیویٹ پارٹنرشپ کے کردار پر زور دیا۔ایس اجیت سنگھ، چیئرمین، آل جموں کشمیر سکھ رابطہ کمیٹی؛ اس موقع پر ضلع گردوارہ پربندھک کمیٹیوں کے صدور، مختلف سکھ تنظیموں کے سربراہان، کھلاڑی، کوچ اور نوجوان بڑی تعداد میں موجود تھے۔
