جموں//حکومت نے کہا ہے کہ پچھلے چوبیس گھنٹوں کے دوران صوبہ جموں میں کورونا وائرس کے29نئے مثبت معاملات سامنے آئے ہیںجبکہ 75افرادشفایاب ہوگئے ہیں۔حکومت کی طرف سے جاری کئے گئے روزانہ میڈیا بلیٹن میں بتایا گیا ہے کہ گزشتہ چوبیس گھنٹوں کے دوران ضلع جموں میں17،ضلع اودھمپورمیں01،ضلع کٹھوعہ میں 02،ضلع سانبہ میں 01،ضلع پونچھ میں01اور ضلع رِیاسی میں 01نئے معاملات سامنے آئے ہیں ۔راجوری ،ڈوڈہ ،کشتواڑ اوررام بن اضلاع سے کسی مثبت معاملے کی کوئی رِپورٹ نہیں آئی ہے۔ادھرصوبہ جموں میں اس وقت بھی 375معاملات فعال ہیں او ر یہ لوگ اس مرض سے جوجھ رہے ہیں۔خیال رہے کہ جموں میں کورونا کی تین لہروں کے دوران مجموعی طور اب تک 2325افراد لقمہ اجل بن چکے ہیں۔بلیٹن میں مزید کہا گیا ہے کہ اَب تک 2,33,18,728ٹیسٹوں کے نتائج دستیاب ہوئے ہیں جن میں سے یکم؍مارچ 2022کی شام تک2,28,65,676نمونوں کی رِپورٹ منفی اور 4,53,052 نمونوں کی رِپورٹ مثبت پائی گئی ہے۔علاوہ ازیں اَب تک61,35,778افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں32,721اَفراد کو گھریلو قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔614فراد کوآئیسولیشن میں رکھا گیا ہے جبکہ4,50,239اَفراد کو گھروں میں نگرانی میں رکھا گیا ہے۔اِسی طرح بلیٹن کے مطابق56,47,456اَفرادنے 28روزہ نگرانی مدت پوری کی ہے۔کووڈ ٹیکہ کار ی کے بارے میں بلیٹن میں بتایا گیا ہے کہ گزشتہ چوبیس گھنٹوں کے دوران 4.882کووِڈ حفاظتی ٹیکے لگائے گئے ہیں جس سے ٹیکوں کی مجموعی تعداد 2,15,14,865تک پہنچ گئی ہے ۔اِس کے علاوہ جموں و کشمیر میںزائد اَز 18 برس عمر کی صد فیصد آبادی کو ٹیکے لگائے جاچکے ہیں۔
رام بن میں 324 ٹیکے لگائے گئے، 2616 نمونے جمع
کووڈ ایس اوپیز کی خلاف ورزی پر 15ہزار کا جرمانہ وصول
رام بن//ضلع امیونائزیشن آفیسر رام بن ڈاکٹر سریش کے مطابق، محکمہ صحت نے منگل کو 15-17 سال کی عمر کے 185 بچوں سمیت 324 افراد کو کووڈ ویکسین کی خوراکیں دیں۔ضلع بھر میں کووِڈ پروٹوکول کو نافذ کرنے کی مہم جاری رکھتے ہوئے انفورسمنٹ ٹیموں نے خلاف ورزی کرنے والوں کو فیس ماسک پہنے بغیر گھومنے اور جسمانی فاصلہ برقرار نہ رکھنے پر 15,100روپے کاجرمانہ کیا۔انفورسمنٹ افسران نے لوگوں پر زور دیا کہ وہ چہرے کے ماسک پہنیں اور جسمانی فاصلہ برقرار رکھنے کے علاوہ اپنے قریبی کووڈ ٹیکہ کاری مرکز پر کوویڈ ویکسی نیشن کی خوراک لیں۔چیف میڈیکل آفیسر رام بن ڈاکٹر محمد فرید بھٹ کی طرف سے جاری کردہ یومیہ بلیٹن کے مطابق محکمہ صحت نے 2616 نمونے اکٹھے کیے جن میں 603 آر ٹی پی سی آراور 2013آر اے ٹی کے نمونے شامل ہیں۔ علاوہ ازیں ضلع کے مختلف مخصوص ویکسی نیشن مراکز میں 324 افراد کو کووڈ ویکسین دی گئی۔
