ایم ایم پرویز
رام بن//حکام نے بتایا کہ سری نگر جموں قومی شاہراہ پر منگل اور بدھ کی درمیانی شب چھ گھنٹے تک گاڑیوں کی آمدورفت معطل رہے گی کیونکہ ضلع رام بن میں ناشری اور بانہال کے درمیان چار لین پروجیکٹ کے کاموں میں مصروف کی تعمیراتی کمپنیوں کی طرف سے کچھ تعمیراتی کام شروع کئے گئے ہیں۔ٹریفک حکام نے کہا کہ عام لوگوں، مسافروں اور ڈرائیوروں کی حفاظت کو یقینی بنانے کیلئے قومی شاہراہ کو ضلع مجسٹریٹ رام بن نے حکم نمبر-ADMR1857-67 مورخہ 14-01-2024 کے ذریعے ہدایت دی ہے کہا کہ ایم این بی 19میں ضروری کام اور ٹنل ٹی پنتھیال میں وینٹی لیشن/جیٹ پنکھوں کی تنصیب کی وجہ سے ناشری اور بانہال سرنگوں کے درمیان منگل اور بدھ اور بدھ اور جمعرات کی درمیانی راتوں (12 بجے سے صبح 6 بجے) تک چھ گھنٹے تک معطل رہے گی۔ذرائع نے بتایا کہ متعلقہ تعمیر ایجنسی کے حکام کی جانب سے ایک درخواست موصول ہوئی جس میں کہا گیا تھا کہ شاہراہ کے مذکورہ حصوں اور ٹنل میں ضروری کام کیاجانا ہے جس کے بعد ضلع مجسٹریٹ رام بن کے حکم پر اے ڈی سی رام بن نے ایک حکم جاری کیا جس میں کہا گیا کہ پروجیکٹ ڈائریکٹر، NHAIرام بن سے موصول ہونے والی درخواست کو دیکھتے ہوئے اور عام آبادی/مسافروں/ڈرائیوروں کی حفاظت اور بہبود کو یقینی بنانے کیلئے شاہراہ کو 6گھنٹوں تک بند رکھنے کی ہدایت جاری کی جارہی ہیں ۔سینئر سپرنٹنڈنٹ آف ٹریفک پولیس، نیشنل ہائی وے رامبن سے کہا گیا ہے کہ وہ ان احکامات کو مکمل طور پر نافذ کریں۔
