بلاوائیو/بلاوائیو میں کھیلے جانے والے تیسرے ون ڈے کرکٹ میچ میں پاکستان نے زمبابوے کو نو وکٹوں سے شکست دے دی ہے۔ زمبابوے نے ٹاس جیت کر پہلے بیٹنگ کرنے کا فیصلہ کیا اور 26ویں اوور میں صرف 67 رنز پر اس کی پوری ٹیم آو¿ٹ ہو گئی۔پاکستان نے 68 رنز کا ہدف 10 ویں اوور میں حاصل کر لیا جبکہ بابر اعظم اور فخر زمان ناٹ آو¿ٹ رہے۔68 رنز کے ہدف کے تعاقب میں پاکستان کا آغاز بھی اچھا نہ تھا اور پہلے اوور کی پہلی ہی گیند پر امام الحق صفر پر آو¿ٹ ہو گئے۔ تاہم بعد میں بابر اعظم اور فخر زمان نے ذمہ داری سے کھیلتے ہوئے 68 رنز کا ہدف حاصل کر لیا۔پاکستان کی جانب سے فہیم اشرف نے پانچ، جنید خان نے دو، جبکہ یاسر شاہ، شاداب خان اور عثمان شنواری نے ایک، ایک کھلاڑی کو آو¿ٹ کیا۔عثمان شنواری نے ایک مرتبہ پھر ابتدائی اوور میں ہی پاکستان کو کامیابی دلا دی، جب زمبابوے کے اوپنر مسوورے ایک رن بنا کر کیچ آو¿ٹ ہو گئے۔زمبابوے کا ٹاپ آرڈر ایک بار پھر سے ناکام رہا اور یکے بعد دیگرے اس کی چار ابتدائی وکٹیں صرف 29 کے مجموعی سکور پر گر گئیں۔زمبابوے میں جاری پانچ ایک روزہ میچوں کی اس سیریز کے ابتدائی دونوں میچ پاکستان نے باآسانی جیت لیے تھے۔پہلے میچ میں پاکستان نے میزبان ٹیم کو 201 رنز جبکہ دوسرے میچ میں نو وکٹوں سے شکست دی تھی۔ بلاوائیو میں کھیلے جانے والے اس تیسرے ایک روزہ میچ کے لیے پاکستان ٹیم میں دو تبدیلیاں کی گئی۔ محمد عامر اور حسن علی کی جگہ یاسر شاہ اور جنید خان کو ٹیم میں شامل کیا گیا۔اس سے قبل پاکستان ٹیم کے کپتان سرفراز احمد نے کہا تھا کہ زمبابوے کے خلاف سیریز جیتنے کے بعد ہی ٹیم میں تبدیلی پر غور کیا جائے گا۔سرفراز احمد نے کہا ’جی ہاں ٹیم میں تبدیلی کے بارے میں منصوبہ بندی کی گئی ہے لیکن پہلے سیریز اپنے نام کر لیں۔‘’ہمارا ٹارگٹ سیریز جیتنا ہے، جیسے ہی ہم ایسا کر لیں تو اس کے بعد ہماری تمام تر توجہ بینچ پر بیٹھے دیگر نوجوان کھلاڑیوں کو آزمانے پر ہوگی۔‘
تیسرے ایک روزہ میں پاکستان 9 وکٹوں سے فاتح
