عظمیٰ نیوز سروس
لیہہ// ہندوستان اور چین نے پیر کے روز فوجی مذاکرات کا ایک تازہ دور منعقد کیا جس میں مشرقی لداخ میں باقی ماندہ رگڑ پوائنٹس میں فوجیوں کو ہٹانے اور خطے میں مجموعی کشیدگی کو کم کرنے پر توجہ مرکوز کی گئی۔ فوجی ذرائع نے بتایا کہ کور کمانڈر سطح کی بات چیت کا 19 واں دور خطے میں لائن آف ایکچوئل کنٹرول (ایل اے سی)کے ہندوستانی جانب چشول-مولڈو بارڈر پوائنٹ پر ہوا۔مشرقی لداخ میں کچھ پوائنٹس پر ہندوستانی اور چینی فوجیں تین سال سے زیادہ عرصے سے عین تصادم پر ہیں یہاں تک کہ دونوں فریقوں نے وسیع سفارتی اور فوجی مذاکرات کے بعد متعدد علاقوں سے علیحدگی مکمل کرلی۔
ذرائع نے بتایا کہ بات چیت صبح 9:30 بجے شروع ہوئی جو شام تک جاری رہی۔ہندوستانی وفد کی قیادت لیہہ ہیڈ کوارٹر 14 کور کے کمانڈر لیفٹیننٹ جنرل راشد بالی کر رہے ہیں۔ چینی ٹیم کی قیادت جنوبی سنکیانگ فوجی ضلع کے کمانڈر نے کی ۔23 اپریل کو ہونے والے فوجی مذاکرات کے 18 ویں دور میں، ہندوستانی فریق نے ڈیپسانگ اور ڈیمچوک میں دیرپا مسائل کو حل کرنے کے لیے سخت دبا ڈالا۔
