عظمیٰ نیوز ڈیسک
ممبئی//ریلائنس فاونڈیشن کی بانی نیتا امبانی نے پیرس میں جاری پیرا لمپکس گیمز میں تمغے جیتنے والے بھارتی کھلاڑیوں کو مبارکباد پیش کی ہے۔ اپنے مبارکبادی پیغام میں نیتا امبانی نے کہا ’’ ہندوستانی کھلاڑی پیرس پیرا اولمپک گیمز میں ملک کا سر فخر سے بلند کر رہے ہیں! نتھیا سیون، سمیت انٹیل، شیتل دیوی، راکیش کمار، سوہاس یتھیراج، تھلسیمتی مروگیسن، منیشا رامداس، نتیش کمار، یوگیش کتھونیا، نشاد کمار، پریتھی پال، اور روبینہ فرانسس کو آپ کی شاندار تمغہ جیت پر مبارکباد! آپ کے شاندار سفر اور فتوحات انسانی روح کی لچک کی روشن مثال ہیں۔ آپ نے ہر ہندوستانی کا دل بے حد فخر سے بھر دیا ہے اور ہمیں استقامت کی طاقت دکھائی ہے۔ لاکھوں لوگوں کو متاثر کرتے رہیں، حدود کو آگے بڑھاتے رہیں، اور ترنگے کو مزید بلندیوں تک بلند کرتے رہیں! ٹیم انڈیا کو آنے والے کھیلوں کے لیے نیک خواہشات۔
