عظمیٰ نیوز سروس
جموں //عام لوگوں کو اپنے اپنے علاقوں میں ‘وکشت بھارت سنکلپ یاترا’ پروگراموں میں حصہ لینے اور اس کا فائدہ اٹھانے کی ترغیب دیتے ہوئے، بی جے پی کے سینئر لیڈروں نے اس سلسلے میں پورے علاقے میں مختلف پروگراموں میں شرکت کی اور خطاب کیا۔جموں و کشمیر کے بی جے پی کے صدر رویندر رینہ نے جنرل سکریٹری ڈاکٹر دیویندر کمار منیال کے ساتھ ضلع سانبہ کے تحت رام گڑھ میں منعقدہ وکشت بھارت سنکلپ یاترا پروگرام میں شرکت کی۔رینہ نے اجتماع سے خطاب کرتے ہوئے عوام سے کہا کہ وہ مودی حکومت کی اس کوشش کا بھرپور فائدہ اٹھانے کیلئے ان وکشت بھارت سنکلپ یاترا پروگراموں میں بڑے پیمانے پر شرکت کریں۔ انہوں نے کہا کہ مختلف محکموں کی نمائندگی کرنے والے سرکاری افسران اس ’مودی کی گارنٹی‘گاڑی کے ساتھ اس بات کو یقینی بناتے ہیں کہ عوام کو ان عوامی فلاحی اسکیموں سے فائدہ اٹھانے کیلئے زیادہ مشکلات کا سامنا نہ کرنا پڑے۔ڈاکٹر دیویندر کمار منیال نے وکشت بھارت سنکلپ یاترا کی پوری مشق کو ’’اپکی سرکار، آپ کے دوار‘‘سے تعبیر کیا اور کہا کہ تاریخ میں اتنے بڑے پیمانے پر ایسی کوئی مشق نہیں کی گئی ہے جس کا مقصد عوامی بہبود کی اسکیموں کو ہر ایک تک پہنچانا ہے۔ایم پی جگل کشور شرما نے ریاسی میں ایک پروگرام میں حصہ لیا اور پروگرام میں مختلف محکموں کے ذریعہ لگائے گئے اسٹالوں کا معائنہ کیا۔ ایم پی نے کہا کہ زیادہ سے زیادہ لوگوں کو ہیلتھ کیمپ کا فائدہ ملنا چاہئے، وشوکرما یوجنا کے فوائد حاصل کرنے کے لئے زیادہ سے زیادہ لوگوں کو رجسٹر کیا جانا چاہئے اور لوگ سوامیتوا یوجنا کے فوائد حاصل کرنے کے قابل بھی ہوں۔بی جے پی کے نائب صدر یودھویر سیٹھی اور این ای ایم پریا سیٹھی نے جموں مشرقی حلقہ میں منعقدہ ایک پروگرام میں شرکت کی۔ انہوں نے زور دے کر کہا کہ مودی حکومت نے خود کو ایک ایسی حکومت ثابت کیا ہے جو ضرورت مند لوگوں کی بھلائی کے لئے 365 دن کام کرتی ہے۔جنرل سکریٹری سنیل شرما نے کشتواڑ میں ایک پروگرام میں عہدیداروں اور بی جے پی لیڈروں سے کہا کہ وہ متعدد اسکیموں کے تحت اہل کمزور آبادی تک پہنچیں لیکن ابھی تک ان کے فوائد کا انتخاب نہیں کیا ہے۔جنرل سکریٹری وبود گپتا نے سینک کالونی میں ایک پروگرام میں پروگرام میں موجود مختلف محکموں کے اعلیٰ عہدیداروں کو موڈ پر کام کرنے کو کہا۔سابق وزیر ست شرما سی اے، ضلع صدر جموں پرمود کپاہی، منڈل صدر تالاب تلو کیشو چوپڑا، بی جے پی سکریٹری ایودھیا گپتا، بی جے پی میڈیا انچارج ڈاکٹر پردیپ مہوترا، بی جے پی کے سینئر لیڈر اور پربھاری نوشہرہ سنجے کمار بارو نے پونچھ ہاؤس تالاب تلو میں وکشت بھارت سنکلپ یاترا میں شرکت کی۔
