بم کا دھمکی آمیز ای میل | جموں ہوائی اڈے پر الرٹ جاری

عظمیٰ نیوزسروس
جموں//اتوار کو ایک نجی ہوائی جہاز کو بم کی دھمکی دینے والی ای میل موصول ہونے کے بعد جموں ہوائی اڈے پر ایک مکمل مشق کی گئی۔تاہم، سنٹرل انڈسٹریل سیکورٹی فورس اور پولیس کی طرف سے مکمل تلاشی کے دوران کوئی بھی مشتبہ چیز نہیں ملی، جس سے ہوائی ٹریفک متاثر ہوتا۔کہا۔ ایئرپورٹ اتھارٹی آف انڈیا کے ایک عہدیدارنے بتایا’’صبح ایک نجی ہوائی جہاز کی طرف سے ایک ای میل موصول ہوئی تھی، اور اس کے مطابق، ایسے حالات میں کسی بھی دھماکہ خیز مادے کی موجودگی کو مسترد کرنے کے لیے حفاظتی مشق کی گئی تھی۔ یہ ای میل ایک دھوکہ تھا‘‘۔انہوں نے کہا کہ اس سلسلے میں پولیس میں شکایت درج کرائی گئی ہے، اور ای میل بھیجنے والے کی شناخت کے لیے مزید تفتیش جاری ہے۔