برنہ وار چرار شریف میں آسمانی بجلی گرنے سے ایک شخص ہلاک

نیوز ڈیسک
سری نگر//جموں وکشمیر کے وسطی ضلع بڈگام کے برنہ وار چرار شریف کے جنگلی علاقے میں آسمانی بجلی گرنے کے باعث ایک شخص ہلاک ہوا ہے۔

 

سرکاری ذرائع نے بتایا کہ جمعرات کے روز چرار شریف کے برنہ وار علاقے میں آسمانی بجلی گرنے کے نتیجے میں ایک شخص کی موقع پر ہی موت واقع ہوئی ۔

 

متوفی کی شناخت غلام نبی چوپان ولد عبدالصمد چوپان ساکن جباڑ برنہ واری کے بطور ہوئی ہے۔

 

بتادیں کہ پچھلے چوبیس گھنٹوں کے دوران وادی کشمیر کے شمال وجنوب میں تیز آندھی ، آسمانی بجلی گرنے اور شدید ژالہ بھاری کے نتیجے میں کھیت کھلیانوں اور باغات کو شدید نقصان پہنچا ہے۔