ٹی ای این
سرینگر// ٹرانسپورٹ ڈپارٹمنٹ کی طرف سے ای۔رکشہ کا کرایہ 10 روپے فی کلومیٹر فی گاڑی یا 2.50 روپے فی کلومیٹر فی مسافر مقرر کرنے کے فیصلے نے رکشہ ڈرائیوروں میں عدم اطمینان کو جنم دیا ہے۔ڈرائیوروں کا کہنا ہے کہ شرحیں ان کی روزی روٹی کو خاص طور پر بڑھتی ہوئی مہنگائی اور بڑھتے ہوئے آپریشنل اخراجات کے درمیانبرقرار رکھنے کے لیے ناکافی ہیں، ۔رکشہ ڈرائیوروں نے کرائے کے مقررہ ڈھانچے کو ’’غیر منصفانہ اور ناقابل عمل‘‘ قرار دیتے ہوئے مایوسی کا اظہار کیا ہے۔ ان کا کہنا ہے کہ موجودہ نرخ بڑھتے ہوئے اخراجات، بشمول گاڑیوں کی دیکھ بھال، بیٹری کی تبدیلی، اور روزمرہ کی گھریلو ضروریات کو پورا کرنے میں ناکام ہیں۔ ایک اور ڈرائیور نے کہا،کہ صرف ایک بیٹری تبدیل کرنے پر دسیوں ہزار روپے خرچ ہوتے ہیں، اور یہ ہمیشہ کے لیے نہیں رہتا،۔ان نرخوں پر، ہم ایسے اخراجات کے لیے کچھ نہیں بچا سکتے۔انہوں نے اس بات پر بھی زور دیا کہ افراط زر نے ان کے گھریلو بجٹ کو بری طرح متاثر کیا ہے۔ ڈرائیوروں نے حکومت سے کرایہ کے ڈھانچے پر نظر ثانی کرنے اور ریٹس متعارف کرانے کا مطالبہ کیا ہے جو ان کی مالی جدوجہد کی بہتر عکاسی کرتے ہیں۔
