پرویزاحمد
سرینگر// ایڈیشنل ڈائریکٹر سکمز گلزار شبنم منگلوار کو بورڈ روم میںسکمزکے ملازمین کے ساتھ نگوا سکمز صدر کی قیادت میں میٹنگ منعقد ہونے جارہی ہے جس میںہسپتال کی بہتری اور ملازمین کے مسائل پر تبادلہ خیال کیا جارہا ہے۔ میٹنگ میں نگوا کی جانب سے کئی معاملات اْبھارے جارہے ہیں جن میں خاصکر ہسپتال میں افرادی قوت کا مسئلہ سب سے اہم ہے کیونکہ ہسپتال سے ہر ماہ درجنوں ملازمین سبکدوش ہورہے ہیں تاہم ان کی جگہ کسی بھی نئے ملازم کی تقرری عمل میں نہیں لائی جارہی ہے جس کی وجہ سے ہسپتال کا کام کاج متاثر ہورہا ہے خاصکر مریضوں کے علاج و معالجہ میں دشواریاں پیش آرہی ہیں کیونکہ ہسپتال میں جو ملازمین ہیں ان پر زیادہ کام کا بوجھ بڑھ رہا ہے۔ اس کے علاوہ جو نیئر سلیکشن کمیٹی جس کی میٹنگ ایک سال قبل ہوئی ہے کا آرڈ بھی ابھی تک نہیں نکالا گیا ہے اس کا بھی مطالبہ کیا جائے گا۔ اس کے ساتھ ساتھ ایس ایف سی ٹینڈرنگ فائنانس ریوومیٹنگ کا بھی مطالبہ کیا جائے گا جس کی وجہ سے ملازمین کی ترقی کا عمل رْکا پڑا ہے اور سینکڑوں ملازمین ترقی کے انتظار میں ریٹائر بھی ہوچکے ہیں۔ اس کے ساتھ ساتھ میٹنگ میں ہسپتال میں کام دہائیوں سے کام کررہے کیجول لیبروں کی مستقلی کا بھی مطالبہ کیا جائے گا۔ ان عارضی ملازمین کو مستقل کرنے کا معاملہ انسانی مسئلہ بن گیا ہے۔ انہوںنے اپنی زندگی کاایک بڑا حصہ اس ادارے میںگزارا ہے اسلئے اب ان کی مستقلی ناگزیر بن چکی ہے۔ اس کے علاوہ میٹنگ میں ایڈیشنل ڈائریکٹر کو خوش آمدید بھی کیا جائے گا۔
