عظمیٰ یاسمین
تھنہ منڈی// بار ایسوسی ایشن تھنہ منڈی کے سابق صدر ایڈوکیٹ ارشد سمیال(الیکشن کمیشنر) کی زیر نگرانی منصف کورٹ کمپلیکس تھنہ منڈی میں ایک اہم اجلاس ہوا جس میں متفقہ طور پر فیصلہ کیا گیا کہ ایڈووکیٹ نوید انجم شال بار ایسوسی ایشن تھنہ منڈی کے نئے صدر ہوں گے۔ جبکہ ایڈووکیٹ ممتاز چوہدری کو بار ایسوسی ایشن کا نائب صدر منتخب کیا گیا۔ علاوہ ازیں ایڈوکیٹ مبین سمیال جنرل سکریٹری کے اور ایڈووکیٹ عرفان ملک کو آئندہ دو سالوں کے لیے بطور خزانچی منتخب کیا گیا ہے۔ اس موقع پر کورٹ کمپلیکس تھنہ منڈی میں بار ایسوسی ایشن تھنہ منڈی کی نومنتخب باڈی کی حلف برداری کی تقریب میں بار ایسوسی ایشن تھنہ منڈی کے تمام ممبران نے شرکت کی۔ اس موقع پر بار ایسوسی ایشن کے نو منتخب صدر ایڈووکیٹ نوید انجم شال نے خطاب کرتے ہوئے کہا کہ بار ایسوسی ایشن تھنہ منڈی کی نومنتخب باڈی اپنے عہدے کا حلف اٹھائے گی۔ انھوں نے کہا کہ بار کی تعمیر و ترقی کے لیے تمام ارکان کی جانب سے مخلصانہ کوششیں جاری رہیں گی۔
