عظمیٰ نیوز سروس
جموں// لیفٹیننٹ گورنر منوج سنہا نے منگل کو ورچوئل موڈ کے ذریعے’ ایل جی سے ملاقات‘ پروگرام کے دوران شہریوں سے بات چیت کی اور ان کی شکایات کو سنا۔لیفٹیننٹ گورنر نے متعلقہ عہدیداروں کو ہدایت دی کہ وہ زیادہ شفافیت کے ساتھ مقررہ وقت میں شکایات پر فوری کارروائی کریں۔
متعدد درخواست گزاروں نے اپنے مسائل کو موقع پر حل کرنے پر لیفٹیننٹ گورنر سے اظہار تشکر کیا۔لیفٹیننٹ گورنر نے کہا”جب شکایات، سے نمٹنے اور عوامی خدمات کی فراہمی کی بات آتی ہے تو، افسران کو پیشہ ورانہ خدمات فراہم کرنے والے کے طور پر کام کرنے کی ضرورت ہوتی ہے اور شہریوں کو کی جانے والی کارروائی سے باخبر رکھنے، جوابدہی کے معیار کو برقرار رکھنے اور ہمیشہ بہتری کے لیے کوشش کرنے کی ضرورت ہوتی ہے،” ۔لیفٹیننٹ گورنر نے افسران کو ہدایت دی کہ وہ لوگوں کی بات سنیں اور بنیادی انفراسٹرکچر جیسے بورویل، ہینڈ پمپ، بجلی کی تقسیم کی لائنوں اور اسکالرشپ اور پنشن اسکیموں کی سنترپتی کے لیے ایک جامع حکمت عملی بنائیں۔انہوں نے کہا کہ ایک دوسرے کو سننا سب سے مضبوط ستون ہے جس پر اچھی حکمرانی ٹکی ہوئی ہے۔لیفٹیننٹ گورنر نے 75ویں یوم جمہوریہ کی تقریبات میں شہریوں اور اہلکاروں کی مثالی شرکت کی بھی ستائش کی۔لیفٹیننٹ گورنر نے 75ویں یوم جمہوریہ کی تقریبات میں شہریوں اور اہلکاروں کی مثالی شرکت کی بھی ستائش کی۔
