انگلینڈ کو بدترین شکست، آسٹریلیا نے ایشز پر دوبارہ قبضہ جما لیا

 پرتھ/ آسٹریلیا نے تیسرے ٹیسٹ میچ میں انگلینڈ کو اننگز اور 41 رنز سے شکست دے کر ایشز سیریز میں 3-0 کی فیصلہ کن برتری حاصل کرتے ہوئے انگلینڈ کے قبضے سے دوبارہ ایشز حاصل کر لی۔پرتھ میں جاری سیریز کے تیسرے ٹیسٹ میچ کے پانچویں اور آخری روز انگلینڈ نے اپنی دوسری نامکمل اننگز 132 رنز 4 کھلاڑی آو¿ٹ پر دوبارہ شروع کو تو ڈیوڈ ملان 28 اور جونی بیئراسٹو 14 رنز پر ناٹ آو¿ٹ تھے۔بارش اور خراب آو¿ٹ فیلڈ کے سبب پہلے سیشن کا کھیل ممکن نہ ہو سکا جس سے یہ امید پیدا ہوئی کہ شاید مہمان ٹیم یہ ٹیسٹ ڈرا کرنے میں کامیاب ہو جائے لیکن ایسا ممکن نہ ہو سکا۔انگلینڈ کو کھیل شروع ہوتے ہی اس وقت نقصان اٹھانا پڑا جب بیئراسٹو گزشتہ روز کے اسکور کوئی اضافہ کیے بغیر جوش ہیزل و±ڈ کی گیند پر کلین باو¿لڈ ہوگئے۔معین علی کی ناقص فارم کا سلسلہ جاری رہا اور وہ بھی زیادہ دیر وکٹ پر نہ ٹھہر سکے اور 11 رنز بناکر نیتھن لایون کا شکار بن گئے۔196 کے مجموعی سکور پر انگلینڈ کو ساتواں نقصان اٹھانا پڑا جب امید کی آخری کرن بھی دم توڑ گئی اور ڈیوڈ ملان 54 رنز بناکر ہیزل و±ڈ کی گیند پر ٹم پین کے ہاتھوں کیچ آو¿ٹ ہوگئے۔انگلینڈ کی پوری ٹیم 218 رنز بناکر آو¿ٹ ہوگئی اور اسے اننگز اور 41رنز سے شکست کا سامنا کرنا پڑا۔جوش ہیزلووڈ نے عمدہ باو¿لنگ کا مظاہرہ کرتے ہوئے پانچ کھلاڑیوں کو آو¿ٹ کیا جبکہ نیتھن لایون اور پیٹ کمنز نے دو، دو وکٹیں حاصل کیں۔ اس میچ میں فتح کے ساتھ ہی آسٹریلیا نے ایشز سیریز 3-0 سے جیت کر دوبارہ ایشز پر قبضہ جما لیا۔آسٹریلوی کپتان سٹیون سمتھ کو 239 رنز شاندار اننگز کھیلنے پر میچ کا بہترین پلیئر قرار دیا گیا۔