ایجنسیز
لندن /لیورپول کی فٹ بال ٹیم اپنی شاندار کارکردگی کی بدولت انگلش پریمیئر لیگ کے پوائنٹس ٹیبل پرٹاپ پوزیشن پر براجمان ہے، اس ٹیم کے سب سے زیادہ 50پوائنٹس ہیں، آرسنل اور ناٹنگھم فارسٹ کی ٹیمیں بالترتیب دوسرے اور تیسرے نمبر پر ہیں ،چیلسی کی ٹیم چوتھے جبکہ دفاعی چیمپئن مانچسٹر سٹی کی ٹیم تنزلی کا شکار ہے اور وہ 38پوائنٹس کے ساتھ پانچویں نمبر پر موجود ہے۔لیورپول کی ٹیم کے اب تک کھیلے گئے میچز کے بعد سب سے زیادہ 50 پوائنٹس ہیں،آرسنل اور ناٹنگھم فارسٹ کی ٹیمیں بھی 22،22 میچ کھیل کر 44،44 مساوی پوائنٹس کے ساتھ بالترتیب دوسرے اور تیسرے نمبر پر ہیں۔ انگلش پریمیئر لیگ کے 33 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے،یہ مجموعی طور پر ٹاپ فلائٹ انگلش فٹ بال کا 126واں ایڈیشن ہے ۔لیگ میں شامل تمام 20 ٹیموں میں سے 18 نے اپنے 22،22 میچز کھیل لئے ہیں ،لیورپول کی ٹیم 21 میچز کھیل چکی ہے اور اس کو 15میچز میں فتح ہوئی جبکہ 5میچ ڈرا ہوئے ہیں اور اس کی ایک میچ میں شکست کا سامنا کرناپڑا ہےاور وہ سب سے زیادہ 50 پوائنٹس کے ساتھ ٹاپ پوزیشن پر برقرار ہے ۔ آرسنل اور ناٹنگھم فارسٹ کی ٹیمیں بھی 22،22 میچ کھیل چکی ہیں اور وہ 44،44 مساوی پوائنٹس کے ساتھ بالترتیب دوسرے اور تیسرے نمبر پر موجود ہیں، چیلسی کی ٹیم 40 پوائنٹس کے ساتھ چوتھے ،دفاعی چیمپئن مانچسٹر سٹی کی ٹیم تنزلی کا شکار ہے اور وہ 38پوائنٹس کے ساتھ پانچویں نمبر پر موجود ہے۔نیوکیسل یونائیٹڈ کی ٹیم بھی 38 پوائنٹس کے ساتھ چھٹے نمبر پر ہیں۔بورن مائوتھ کی ٹیم 37پوائنٹس کے ساتھ ساتویں ، آسٹن ولا کی ٹیم 36 پوائنٹس کے ساتھ آٹھویں ،برائٹن اینڈ ہوو البیون کی ٹیم 34 پوائنٹس کے ساتھ نویں جبکہ فلہم کی ٹیم 33 پوائنٹس کے ساتھ دسویں نمبر پر ہے ۔ سائوتھمپٹن کی ٹیم بھی 22 میچز کھیل چکی ہے جن میں اس کو صرف ایک میچ میں کامیابی حاصل ہوئی ، 18 میچز میں شکست کا سامنا کرنا پڑا ہے اور وہ سب سے کم 6 پوائنٹس کے ساتھ سب سے نیچے 20ویں نمبر پر ہے۔
