عارف بلوچ
اننت ناگ// اننت ناگ میں سیکورٹی فورسز نے دو ہابرڈ ملی ٹینٹوں کو اسلحہ وگولہ بارود سمیت حراست میں لینے کا دعوی کیا ہے۔پولیس ترجمان نے بتایا کہ مصدقہ اطلاع موصول ہونے کے بعد 3 آر آراور پولیس نے واگہامہ وپھزن کے مقام پر ناکہ لگایا جس دوران انصار الغزوۃ الہند سے وابستہ دو ہابرڈ ملی ٹینٹوں کو حراست میں لے لیا گیا۔انہوں نے گرفتار شدگان کی شناخت تنویر احمد بٹ ولد علی محمد بٹ ساکن واگہامہ بجبہاڑہ اور طفیل احمد ڈار ولد غلام حسن ڈار ساکن میڈورہ ترال کے بطو رکی۔ ترجمان نے بتایا کہ ہابرڈ ملی ٹینٹوں کے قبضے سے دو پستول، دو میگزین، اور 15راونڈ برآمد کرکے ضبط کئے گئے۔پولیس نے اس ضمن میں کیس درج کرکے مزید تحقیقات شروع کی ۔
