ایجنسیز
غزہ //اسرائیلی فوج نے رات گئے شمالی غزہ پر بمباری کی، جس کے نتیجے میں 6 فلسطینی جاں بحق ہو گئے۔ 24گھنٹے میں 58 فلسطینی اسرائیلی جارحیت کی بھینٹ چڑھ گئے۔ جاں بحق ہونے والوں کی مجموعی تعداد 38 ہزار سے تجاوز کر گئی ہے، جبکہ 87 ہزار 445 افراد زخمی ہو چکے ہیں۔خان یونس کے واحد فعال نصیر ہسپتال میں چند گھنٹوں کا ایندھن باقی رہ گیا۔ حکام نے خبردار کر دیا کہ کویتی ہسپتال بھی چند گھنٹے میں بند ہوسکتا ہے۔ادھر اسرائیل نے مغربی کناریمیں 3 نئی یہودی بستیاں قائم کرنے کی منظوری دی دے۔
غزہ میں اسرائیلی کارروائیوں کے خلاف | سپین کانسل کشی مقدمے میں فریق بننے کا اعلان
ایجنسیز
اسپین//اسپین نے عالمی عدالت انصاف میں غزہ میں اسرائیلی کارروائیوں کے خلاف جنوبی افریقہ کے نسل کشی کے مقدمے میں فریق بننے کا اعلان کردیا۔ ہسپانوی وزیر خارجہ جوز مینوئل الباریس نے کہا ہے کہ اسپین جنوبی افریقہ کے ساتھ غزہ میں اسرائیل کی جاری کارروائیوں کے خلاف نسل کشی کے کیس میں بین الاقوامی عدالت انصاف میں شامل ہو جائے گا۔اسپین اس کیس میں شامل ہونے والا پہلا یورپی ملک ہے، اس مقدمے میں چلی اور میکسیکو بھی شامل ہوچکے ہیں۔واضح رہے کہ 28 مئی کو ہسپانوی وزیراعظم پیڈرو سانچیز نے فلسطین کو آزاد ریاست تسلیم کرنے کا باضابطہ اعلان کر دیا تھا، جس کا دارالحکومت مقبوضہ بیت المقدس ہوگا۔اسپین کے وزیراعظم پیڈرو سانچیز نے فلسطینی ریاست کو تسلیم کرنے کا باضابطہ اعلان کرتے ہوئے کہا کہ ہمارا فیصلہ کسی بھی ملک کے خلاف نہیں ہے بلکہ فلسطین کو تسلیم کرنا اقوام متحدہ کی قراردادوں کے مطابق ہے۔ہسپانوی وزیراعظم نے کہا کہ فلسطین کو تسلیم کرنا تاریخی لمحہ ہے، امن فلسطینیوں کا بنیادی حق ہے اور امن کا قیام ہم سب کی ذمہ داری ہے، فلسطین کے شہریوں پر کیے جانے والے مظالم کی تاریخ میں مثال نہیں ملتی۔واضح رہے کہ اسپین کی جانب سے اس اعلان کے بعد فلسطین کو تسلیم کرنے والے ممالک کی تعداد 146 ہوگئی ہے۔
