یو این آئی
غزہ// اسرائیلی فوج کے غزہ میں حملوں کے نتیجے میں ایک بچہ سمیت 8 فلسطینی جاں بحق ہو گئے۔فلسطین کی سرکاری خبر ایجنسی وفا کے مطابق، رفح شہر کے شمالی محلے النصر میں ایک مکان کو نشانہ بنایا گیا ۔حکام کا کہنا ہے کہ اس حملے میں ایک بچہ ہلاک اور متعدد افراد زخمی ہو گئے۔دوسری جانب اسرائیلی جنگی طیاروں نے شہر کے مشرقی محلے شجاعیہ میں بھی ایک مکان پر بمباری کر دی جس میں 7 فلسطینی جاں بحق اور متعدد زخمی ہو گئے۔ادھر مقبوضہ فلسطینی علاقوں میں ہونے والے جرائم کی تحقیقات کرنے والے اقوام متحدہ کے آزاد بین الاقوامی تفتیشی کمیشن نے رپورٹ کیا ہے کہ اسرائیل نے غزہ میں فلسطینیوں کی وسیع پیمانے پر تباہی سمیت جنگی جرائم کا ارتکاب کیا ہے۔
