جموں//مولانا آزاد نیشنل اردو یونیورسٹی،نظامت فاصلاتی تعلیم کی جانب سے تعلیمی سال 2016-17 کے لیے مختلف کورسوں میں داخلہ کی آخری تاریخ میں 15 نومبر تک توسیع کی گئی ہے۔ طلبہ کی سہولت کی خاطر یونیورسٹی انتظامیہ نے یہ اقدام کیاہے۔ پروفیسر کے آر اقبال احمد‘ ڈائرکٹر‘ نظامت فاصلاتی تعلیم کے بموجب ملک کے دیگر حصوں میں داخلہ فارم دیرانہ فیس 200 روپے کے ساتھ 15 / نومبر تک جمع کیے جاسکتے ہےں جبکہ جموں و کشمیر کے موجودہ حالات کے پیش نظر فارم داخل کرنے کی تاریخ میں 30 نومبر تک بغیر دیرانہ فیس کے توسیع کی گئی ہے۔ اس سال بی اے میں اہلیتی امتحان کے ذریعہ داخلہ کا موقع بھی فراہم کیا جارہا ہے۔ دیگر کورسز میں ایم اے (اردو، انگریزی اور تاریخ) ، بی۔اے ، بی ایس سی، لائف سائنس اور فزیکل سائنس(باٹنی ،زولوجی، کیمسٹری اور میتھامیٹکس، فزکس،کیمسٹری)، ایک سالہ ڈپلوما پروگرامس ٹیچ انگلش اور جرنلزم اینڈ ماس کمیونی کیشن، چھ ماہی سرٹیفکیٹ کورس اہلیت اردو بذریعہ انگریزی ، فنکشنل انگلش شامل ہیں۔پراسپکٹس مع درخواست فارم نظامت فاصلاتی تعلیم ‘مولانا آزاد نیشنل اردو یونیورسٹی ‘ گچی با¶لی ‘ حیدرآباد اور ریجنل سنٹرس دہلی ‘ پٹنہ ‘ بھوپال ‘ بنگلورو ‘ دربھنگہ‘ کولکتہ ‘ ممبئی ‘ سری نگر اوررانچی‘سب ریجنل سنٹرس حیدرآباد ‘ جموں ‘ نوح ‘ امراوتی اور یونیورسٹی کے تمام اسٹڈی سنٹروں پر دستیاب ہیں ۔ یہ فارمس یونیورسٹی ویب سائٹ (www.manuu.ac.in) سے بھی حاصل کیے جاسکتے ہیں ۔ پراسپکٹس مع درخواست فارم شخصی طورپر 200/-روپے یا بذریعہ ڈاک 280/- روپے کے بینک ڈرافٹ کے عوض حاصل کیا جاسکتا ہے ۔ بینک ڈرافٹ متعلقہ ریجنل سنٹر کے نام بنوانا ہوگا ۔ ڈرافٹ کی تفصیلات اپنے قریبی ریجنل سنٹر یا اسٹڈی سنٹر سے حاصل کی جاسکتی ہیں۔بی اے میں داخلے کے خواہشمند ایسے طلبہ جو 10+2 کامیاب نہ ہوں اہلیتی امتحان کے لیے درخواست فارم 250/-روپے کے بینک ڈرافٹ کے عوض شخصی طور پر یا بذریعہ ڈاک حاصل کرسکتے ہےں۔
اردو یونیورسٹی، فاصلاتی کورسز میں داخلے کی آخری تاریخ میں توسیع
