حسین محتشم
پونچھ//سرحدی ضلع پونچھ میں عدم اطمینان کی ایک بڑھتی ہوئی لہر پھیل رہی ہے کیونکہ محکمہ سماجی بہبود کی پنشن اسکیموں کے استفادہ کنندگان، بشمول خصوصی طور پر معذور افراد، بزرگ شہری اور بیوائیں، اپنے ماہانہ وظیفے کی وصولی میں نمایاں تاخیر کی کی وجہ سے پریشان حال ہے۔پنشنریز کے مطابق ان کی محکمہ سماجی بہبود بار بار تصدیقی احکامات جاری کر رہا ہے، جس سے ان لوگوں کی پریشانی میں اضافہ ہورہا ہے جو پہلے ہی اس عمل سے گزر چکے ہیں۔انہوں نے کہا قبل از انتخابات ان سے ’نئی منتخب حکومت نے ہماری پنشن کو ایک ہزار سے بڑھا کر تین ہزار ماہانہ کرنے کا وعدہ کیا تھا۔ تین ماہ گزر چکے ہیں، اور نہ صرف یہ کہ وعدہ پورا نہ کیا گیا بلکہ موجودہ ایک ہزار کی ادائیگی بھی وقت پر نہیں ہو رہی ہے۔ انہوں نے کہا تاخیر سے ادائیگیاں ان کے لئے سخت مشکلات کا باعث بن رہی ہیں، خاص طور پر بڑھتی ہوئی مہنگائی کے تناظر میں۔ بہت سے استفادہ کنندگان اس معمولی رقم پر انحصار کرتے ہیں تاکہ ضروری اخراجات جیسے کہ خوراک، ادویات اور یوٹیلیٹیز کو پورا کیا جا سکے۔ بے قاعدہ ادائیگیاں ان کے پہلے سے تنگ بجٹ میں خلل ڈالتی ہیں اور انہیں مشکل انتخاب کرنے پر مجبور کرتی ہیں۔انہوں نے مزید کہا کہ پنشنرز کی پریشانیوں میں اضافہ محکمہ سماجی بہبود کی جانب سے بار بار تصدیقی احکامات جاری کرنا ہے جبکہ ہم نے پچھلے سال تصدیق کروائی تھی تو ان کو ازحد مشکلات کا سامنا کرنا پڑا تھا۔انہوں نے کہا ان کو کہیں اسی طرح کے عمل سے نہ گزرنا پڑے اس سے ان میں خوف و ہراس پھیل رہا ہے کیونکہ وہ پہلے ہی جدوجہد کر رہے ہیں، اور تصدیق اور ممکنہ نااہلی کا یہ مسلسل خطرہ ہمارے تناؤ کو بڑھاتا ہے۔ پنشنرز نے ڈسٹرکٹ سوشل ویلفیئر آفیسر سے وضاحت کا مطالبہ کر تے ہوئے درج ذیل خدشات کو دور کرنے کے لئے کی اپیل کی ہے۔انہوں نے کہا اخر کار کیا وجہ ہے کہ ان سے بار بار تصدیق بار بار تصدیقیں طلب کر رہے ہیں، خاص طور پر ان لوگوں کے لیے جنہوں نے پہلے ہی یہ عمل مکمل کر لیا ہے۔ وہ یہ جاننا چاہتے ہیں کہ ان نئی تصدیقوں کا مقصد کیا ہے اور کون سا معیار استعمال کیا جا رہا ہے۔انہوں نے وزیر اعلی جموں کشمیر سے پنشن میں اضافہ کرنے کے وعدے کو پورا کرنے کی اپیل کی ہے۔ پنشنرز محکمہ پر زور دیا ہے کہ پینشن کے تقسیم کے عمل کو ہموار کرے اور اس بات کو یقینی بنائے کہ ان کے کھاتوں میں ماہانہ بنیادوں پر پینشن کی رقم جمع ہوں۔ پنشنرز نے نومنتخب حکومت سے اپیل کی ہے کہ وہ اپنے انتخابات سے قبل کئے گئے وعدوں کو پورا کرے اور ان کی شکایات کا فوری ازالہ کرے۔
