سکولوں کے اوقات کار میں تبدیلی کا کوئی منصوبہ نہیں: ڈائریکٹر محکمہ تعلیم

File Photo

عظمیٰ ویب ڈیسک

سرینگر// سکول ایجوکیشن کشمیر (ڈی ایس ای کے) کے ڈائریکٹر تصدق حسین نے کہا کہ موسم خوشگوار ہے اور کشمیر کے علاقے میں سکول کے اوقات میں تبدیلی کا کوئی منصوبہ نہیں ہے۔
اُنہوں نے کہا، “موسم خوشگوار ہے۔ درجہ حرارت 32 ڈگری سیلسیس ہی ہے۔ ہمیں اپنے بچوں کو پڑھانا ہے اور انہیں موسم کے خلاف مزاحم بنانا ہے”۔
انہوں نے کہا کہ انتظامیہ موسم کی صورتحال سے آگاہ ہے اور اگر ضرورت پڑی تو اس کے مطابق کال کی جائے گی۔
ڈائریکٹر سکول ایجوکیشن کشمیر نے کہا کہ جب موسم کی غیر معمولی صورتحال پیدا ہو گی تو انتظامیہ اس کے مطابق سکول کے اوقات میں تبدیلی کا فیصلہ کرے گی۔