بڈگام// این آئی اے میں پہلے سے ہی درج ایک مقدمے کے سلسلے میں قومی تحقیقاتی ایجنسی (این آئی اے) نے بدھ کو وسطی کشمیر کے بڈگام ضلع میں کم از کم تین مقامات پر چھاپے مارے۔
سرکاری ذرائع نے بتایا کہ این آئی اے کے اہلکاروں نے جموں و کشمیر پولیس اور سی آر پی ایف کی مدد سے ضلع بڈگام میں تین مقامات پر چھاپے مارے۔
اُنہوں نے بتایا کہ این آئی اے کے اہلکاروں نے فاروق احمد بھٹ ولد غلام حسن بھٹ کے گھر اور زبیر احمد ڈار ولد مرحوم عبدالحمید ڈار کے گھر کی تلاشی لی جو دونوں اری پٹھن کے رہنے والے ہیں۔
ذرائع نے بتایا کہ دوسری ٹیم نے ضلع بڈگام کے اسی گاو¿ں میں علی محمد ڈار ولد غلام احمد کے رہائشی مکان پر چھاپہ مارا۔
پولیس ذرائع نے تصدیق کرتے ہوئے بتایا کہ این آئی اے کے دفتر میں پہلے سے درج ایک کیس کے سلسلے میں چھاپے مارے جا رہے ہیں۔
اس سلسلے میں مزید تفصیلات کا انتظار ہے۔
این آئی اے کے بڈگام میں 3 مقامات پر چھاپے
