بانڈی پورہ: کمسن بچی جہلم میں ڈوب کر جاں بحق

حاجن// شمالی کشمیر کے بانڈی پورہ ضلع کے بنیاری گاؤں میں بدھ کو ایک 4 سالہ بچی دریائے جہلم میں ڈوب کر جاں بحق ہو گئی۔
خبر رساں ایجنسی – کشمیر نیوز آبزرور (کے این او) نے ایک اہلکار کے حوالے سے بتایا کہ لڑکی کی شناخت زہریش طارق دختر طارق احمد ڈار ساکن جدل پورہ بنیاری کے طور سے ہوئی ہے، جو دریائے جہلم میں ڈوب گئی۔
انہوں نے کہا کہ جہلم سے لاش برآمد ہونے اور طبی قانونی کارروائیوں کو مکمل کرنے کے بعد، لاش کو آخری رسومات کے لیے اس کے اہل خانہ کے حوالے کر دیا گیا۔
دریں اثنا، پولیس نے واقعے کا نوٹس لے لیا ہے-