عظمیٰ ویب ڈیسک
سرینگر// وزارت داخلہ (ایم ایچ اے) نے جمعہ کو جموں و کشمیر رولز 2019 کے بزنس رولز میں ترمیم کی۔
وزارتِ داخلہ کی طرف سے کی گئی ترامیم کے مطابق، آل انڈیا سروس (اے آئی ایس) افسران کے انتظامی سیکرٹریوں اور کیڈر کے عہدوں کے تبادلے سے متعلق تجاویز کو جموں و کشمیر کے لیفٹیننٹ گورنر کو ایڈمنسٹریٹو سیکرٹری، جنرل ایڈمنسٹریشن ڈیپارٹمنٹ چیف سیکرٹری کے ذریعے پیش کیا جائے گا۔
اس سلسلے میں جاری ایک نوٹیفکیشن کے مطابق، “بشرطیکہ انتظامی سکریٹریوں اور آل انڈیا سروسز کے افسران کے کیڈر کے عہدوں کی پوسٹنگ اور تبادلے سے متعلق معاملات کے سلسلے میں، ایڈمنسٹریٹو سکریٹری، جنرل ایڈمنسٹریشن ڈیپارٹمنٹ چیف سکریٹری کے ذریعے لیفٹیننٹ گورنر کو تجویز پیش کرے گا”۔
وزارتِ داخلہ نے مزید کہا کہ جن تجاویز پر لیفٹیننٹ گورنر کو صوابدیدی اختیارات حاصل ہیں ان معاملات پر محکمہ خزانہ کی پیشگی رضامندی کی ضرورت ہوتی ہے اس وقت تک اتفاق یا مسترد نہیں کیا جائے گا جب تک کہ اسے چیف سیکرٹری کے ذریعے لیفٹیننٹ گورنر کے سامنے نہیں رکھا گیا ہو۔
نوٹیفکیشن کے مطابق، “کوئی بھی تجویز جس میں ‘پولیس’ ‘پبلک آرڈر’، ‘آل انڈیا سروس’ اور ‘اینٹی کرپشن بیورو’ کے حوالے سے محکمہ خزانہ کی سابقہ منظوری کی ضرورت ہو، ایکٹ کے تحت لیفٹیننٹ گورنر کی صوابدید کو استعمال کرنے کے لیے منظور یا مسترد نہیں کیا جائے گا۔ جب تک کہ اسے چیف سکریٹری کے ذریعے لیفٹیننٹ گورنر کے سامنے نہیں رکھا گیا ہے”۔
ایم ایچ اے نے کہا کہ محکمہ قانون، انصاف اور پارلیمانی امور عدالتی کارروائی میں ایڈووکیٹ جنرل کی مدد کے لیے ایڈووکیٹ جنرل اور دیگر لاءافسران کی تقرری کی تجویز پیش کرے گا۔
ایم ایچ اے کے نوٹیفکیشن میں پڑھا گیا ہے، “پراسیکیوشن کی منظوری یا اپیل دائر کرنے سے متعلق کسی بھی تجویز کو لیفٹیننٹ گورنر کے سامنے چیف سکریٹری کے ذریعے قانون، انصاف اور پارلیمانی امور کے محکمے کے ذریعے رکھا جائے گا”۔
نوٹیفکیشن میں مزید کہا گیا ہے کہ جیل خانہ جات، ڈائریکٹوریٹ آف پراسیکیوشن اور فرانزک سائنس لیبارٹری سے متعلق تجاویز لیفٹیننٹ گورنر کو ایڈمنسٹریٹو سیکرٹری، ہوم ڈیپارٹمنٹ چیف سیکرٹری کے ذریعے بھیجیں گی۔
