عظمیٰ ویب ڈیسک

ڈوڈہ// ضلع ڈوڈہ میں گیس سلنڈر میں آگ لگنے سے ایک شخص کی موت واقع ہو گئی جبکہ ایک خاتون اور اس کے دو کمسن بچوں زخمی ہو گئے۔
ایک عہدیدار نے بتایا کہ کل رات سینو بھلیسہ علاقے میں گیس سلنڈر میں لیکیج کی وجہ سے آگ بھڑک اٹھی۔ اُنہوں نے بتایا کہ واقعے میں چار افراد زخمی ہوئے، انہوں نے مزید کہا کہ زخمیوں کو علاج کے لیے ہسپتال منتقل کیا گیا ہے۔
اُنہوں نے کہا کہ محمد عدنان نامی ایک شخص ہسپتال میں زخموں کی تاب نہ لاتے ہوئے دم توڑ گیا۔ زخمیوں میں روبیہ نامی ایک خاتون اور اُس کے دو بچے شامل ہیں۔
عہدیدار نے بتایا کہ انہیں علاج کے لیے جی ایم سی ڈوڈہ منتقل کیا گیا ہے۔
اُنہوں نے مزید کہا کہ خاتون اور اس کے ایک بچے کے زخموں کی نازک نوعیت کو دیکھتے ہوئے خصوصی علاج کے لیے کشمیر منتقل کر دیا گیا۔