بی ایس ایف نے پاکستانی ڈرون کو مار گرایا، 2.5 کلو ہیروئن برآمد

یو این آئی

جالندھر// بارڈر سیکیورٹی فورس (بی ایس ایف) کے اہلکاروں نے پیر کی رات دیر گئے ضلع ترن تارن کے کالیا گاؤں میں پاکستانی اسمگلروں کی کوشش کو ناکام بناتے ہوئے پڑوسی ملک سے تعلق رکھنے والے ایک ڈرون کو مار گرایا۔
سیکیورٹی فورس نے جائے وقوعہ سے ڈرون کے ساتھ دو کلو 470 گرام ہیروئن بھی برآمد کی ہے۔
بی ایس ایف کے تعلقات عامہ کے افسر نے منگل کو بتایا کہ سیکورٹی فورس نے پیر کی رات ایک ڈرون کی آواز پاکستانی جانب سے ہندوستانی علاقے میں داخل ہوتے ہوئے سنی۔ انہوں نے بتایا کہ جوانوں نے ڈرون پر فائرنگ کی اور اسے گرا دیا۔ علاقے کی تلاشی لینے پر گاؤں کے کھیتوں میں ایک تباہ شدہ کواڈ کاپٹر اور دو کلو 470 گرام ہیروئن کا پیکٹ برآمد ہوا۔