تازہ ترین

سعدہ کدل حضرت بل سڑک کے ایک حصے پر میکڈم نہ بچھانے پر لوگ برہم

سرینگر //سعدہ کدل حضرت بل سڑک کے ایک حصے پر میکڈم نہ بچھانے پر مقامی آبادی نے شدید غم و غصہ کا اظہار کرتے ہوئے حکام سے مطالبہ کیا ہے کہ پوری سڑک پر میکڈم بچھایا جائے ۔محکمہ آر اینڈ بی نے سعدہ کدل حضرت بل روڑ  کے آدھے حصہ پر میگڈیم بچھایا ہے جبکہ روڑ کے آدھے حصہ کو بغیر میگڈیم کے رکھا گیا ہے۔ سعدہ کدل حضرت بل پر روڈ کے گردنواح میں رہنے والے والے لوگوں نے بتایا کہ اس اہم سڑک پر امرت اسکیم کے تحت گندے پانی کو جھیل ڈل میں جانے سے روکنے کیلئے ڈرین تعمیر کی گئی جسکی وجہ سے یہ سڑک ٹریفک کیلئے نا قابل استعمال بن گئی تھی۔انہوں نے کہا کہ پچھلے چند دنوں سے اس سڑک پر میکڈم بچھانے کا کام شروع ہوا تاہم میکڈم آدھی سڑک پر ہی بچھایا جارہا ہے۔ مقامی لوگوں نے بتایا کہ سڑک کے جس حصے پر ڈرین تعمیر کی گئی اور جہاں ڈرین کی تعمیر کے دوران کھدائی کی گئی تھی ،کی مرمت نہیں کی گئی اور نہ ہی اس پر میکڈم

حکومت کے دعوے زمینی حقائق کے منافی:غلام حسن میر

اپنی پارٹی میں شمولیت پر کانگریس بلاک صدرکا خیر مقدم  سرینگر//اپنی پارٹی سنیئر نائب صدر غلام حسن میر نے کہا ہے کہ حکومت کی طرف سے جموں وکشمیر میں مختلف ترقیاتی پروگراموں کی عمل آوری متعلق دعوے زمینی حقائق کے منافی ہیں۔ پارٹی صدر دفتر لال چوک سرینگر میں منعقدہ ایک تقریب میں غلام حسن میر نے کہاکہ ایسا لگتا ہے کہ انتظامیہ نے جموں وکشمیر میں لوگوں کی مشکلات کے تئیں آنکھیں بند کر لی ہیں۔ عوام اور مقامی انتظامیہ کے درمیان کوئی رابطہ نہیں، لوگ بنیادی سہولیات کے لئے متاثر ہیں۔ یہی وجہ ہے کہ ہمارا مطالبہ ہے کہ جموں وکشمیر میں فوری انتخابات کرائے جائیں تاکہ منتخبہ حکومت ہو جولوگوں کی مشکلات سمجھ سکے اور اُس کو حل کرے۔ اس موقع پر کانگریس بلاک صدر ناربل منشی سجاد احمد نے غلام حسن میر کے علاوہ صوبائی صدر محمد اشرف میر، نائب صدر جگموہن سنگھ رینہ، ضلع صدر سرینگر نور محمد شیخ، انچارج زونل ج

حضرت میر میرک اندرابی ؒ کا عرس

سرینگر//قدیم تاریخی خانقاہِ اندرابیہ ملارٹہ میں کل حضرت میر میرک اندرابیؒ کے عرس کے سلسلے میں ایک تقریب منعقد ہوئی۔ نمازِ فجر کے بعد قرآن خوانی، ختمات المعظمات، دورد ازکار اور مولود خوانی کی روح پرور مجلس آراستہ ہوئی۔ جس کی پیشوائی خاندانِ اندرابیہ کے سجادہ نشین درگاہِ اندرابیہ حاجی سید وجیہ احمد اندرابی نے کی۔ بقعہ عالیہ کے منصب داروں اور اور سلسلہ اندرابیہ کے سید احمد وجیہ اندرابی نے اس موقعے پر حضرت میر میرک اندرابیؒ کی سیرت، تعلیم اور عملی و روحانی کمالات پر بھی روشنی ڈالی۔تقریب پر بقعہ عالیہ کے سجادہ نشین حاجی سید وجیہ انداربی نے ’’وِرد ِ المحبین‘‘ کی اجرائی کی ، جو اردو، فارسی اور انگریزی زبانوں پر مشتمل ہے۔   

رہباب صاحبؒ آستان میں نقب زنی

  سرینگر//زیارت حضرت پیردستگیرؒ خانیار کے بعد اب قدیم زیارت غوثیہ رہباب صاحبؒ عالی کدل میں نقب زنی کی واردات پر تشویش کا اظہار کرتے ہوئے نیشنل کانفرنس کے جنرل سکریٹری علی محمد ساگر نے کہا ہے کہ زیارتگاہوں میں مسلسل ہورہی نقب زنی کی وارداتوں کو قابل تشویش قرار دیا ہے۔ انہوں نے کہا کہ حفاظتی اور دیگر عملہ تعینات ہونے کے باوجود بھی اس قسم کی واردات رونما ہونا بہت سارے سوالات کو جنم دیتا ہے۔ ساگر نے کہا کہ زیارت گاہوں میں چوری کی وارداتوں میں روز بہ روز ہورہے اضافے سے عوام میں تشویش کی لہر دوڑ گئی ہے ۔ انہوں نے کہا کہ قانون نافذ کرنے والے اداروں کو ایسے واقعات کی روک تھام کیلئے ٹھوس اور کارگر اقدامات اٹھانے چاہئیں اور ماضی میں ہوئی ایسی وارداتوں کی تحقیقات کی جائے۔ ادھر پارٹی کے سینئر لیڈر و سابق ایم ایل اے عید گاہ مبارک گل نے پولیس پر زور دیا کہ وہ ملوثین کا فوری طور پر پتہ لگائے اور

مشیر فاروق خان آج عوامی شکایات کی شنوائی کرینگے

سرینگر//لیفٹیننٹ گورنر کے مشیر فاروق لیفٹیننٹ گورنرس گریوینس سیل چرچ لین سری نگر میں آج یعنی24 ؍ستمبرکوصبح ساڑھے 10بجے سے عوامی شکایات کی شنوائی کریں گے ۔ عوامی وَفود اور اَفراد جو حکومت کی نوٹس میں اپنی مانگیں اور شکایات لانا چاہتے ہوں اور وہ مشیر سے متذکرہ بالا مقام اور وقت پر مل سکتے ہیں ۔وَفود اور اَفراد موبائل نمبر 9622749350 پراپنا اِندراج کروا سکتے ہیں ۔مشیر سے مذکورہ جگہ سے ملنے والے لوگوں سے اِستدعا کی گئی ہے کہ وہ کووِڈ۔ 19 وَبا کے پیش نظر صحت رہنما خطوط پر عمل پیرا رہیںاور وَفود میں تین سے زیادہ اَفراد نہ ہوں۔ 

مزید خبرں

 خانقاہِ معلی میں توبہ استغفار کی مجلس آج سرینگر// جمعیت ہمدانیہ کے سربراہ مولانا ریاض احمد ہمدانی آج یعنی جمعرات 6ماہ صفر المظفرکو حضرت محبوب العالم شیخ حمزہ مخدومؒ کے عرس مبارک کے سلسلے میں خانقاہِ معلی سرینگر میں نمازِ ظہر سے قبل وعظ و تبلیغ فرمائیں گے اور اس سلسلے میں نمازِ ظہر کے بعد خطمات المعظمات، درود و ازکار اور اوراد خوانی کی روح پرور مجلس کا انعقاد بھی حسب قدیم ہوگا۔ کووڈ 19کے پیش نظر خصوصی دعائوں اور توبہ استغفار کی مجلس آراستہ ہوگی۔ عقیدتمندوں سے کہا گیاہے کہ وہ تقریب میں شرکت کے دوران تمام احتیاطی تدابیر اپنائی خصوصاً ماسک کا استعمال اور سماجی دوری بنائے رکھیں۔   ۔18پروازوںمیں2181مسافر سرینگر پہنچے سرینگر//جموں وکشمیر یونین ٹریٹری میں گھریلو پروازو ں کے دوبارہ چالو ہونے کے 122 ویں دِن 2181مسافروں کو لے کر18 پروازیں کل سری نگر کے ہوائی اَڈے پر

۔12ویں جماعت کے بائی اینی ول امتحانات شروع

سرینگر// بارویں جماعت کے بائی انیول امتحانات منگل سے شروع ہوئے،جس میں امیدواروں نے کرونا ضوابط کے بیچ امتحانات میں شرکت کی جبکہ اس دوران بورڑ آف اسکول ایجوکیشن کے سیکریٹری نے کئی امتحانی مرکز کا دورہ کیا اور کرونا کے حوالے سے میعاری عملیاتی طریقہ کار کے ضوابط کے انتظامات کا جائزہ لیا۔ وادی میں 12ویں جماعت 2019سیشن کے بائی انیول امتحانات منگل سے شروع ہوئے جس دوران بورڈآف سکول ایجوکیشن کے سیکریٹری ریاض احمد کی سربراہی میں ایک ٹیم نے سرینگر میں قائم امتحانی مراکز کا دورہ کیا۔ٹیم نے گورنمنٹ ہائراسکینڈری اسکول جڈی بل،کیسیٹ اسکول کرن نگر،بائز ہائر سکینڈری اسکول بٹہ مالو،گرلز ہائر سکینڈری اسکول امیر اکدل اور دیگر سکولوں کو بھی دورہ کیا۔ یہ امتحانات امسال مارچ میں منعقد ہونے والے تھے،تاہم کرونا وائرس کے پھیلائو کے پیش نظر ان امتحانات کومو خر کیا گیا تھا۔ بوڈ کے سیکریٹری نے اس بات کا مشاہدہ ک

عوامی اُمیدوں کو پورا کرنے کے لئے نتیجہ خیز اقدامات پر زور

سرینگر//لیفٹیننٹ گورنر کے مشیر بصیر احمد خان نے کل سری نگر شکایتی سیل میں درجنوں وفود او اَفراد سے ملاقات کر کے ان کے مانگوں کی شنوائی کی ۔ وفود و افراد پر مشتمل زائد از 200 لوگ مشیر سے ملے او رانہیں اپنے مسائل سے آگاہ کرتے ہوئے ان کے بروقت ازالے کے لئے ان کی مداخلت طلب کی۔ مشیر نے متعلقہ محکموںکے سربراہوں کو لوگوں کی اُمید وں اور آرزئوں کو پورا کرنے کے لئے نتیجہ خیز اقدام اُٹھانے پر زور دیا۔ مشیرنے مزید کہا کہ وہ ان کے علاقوں کو درپیش مسائل اور کاموں پر جاری پیش رفت سے متعلق پنچایتی ارکان سے ہر عوامی شنوائی کے دوران آرا ٔطلب کریں گے ۔محکمہ بلدیات کے سبکدوش ہوئے ملازمین کے ایک وفد نے مشیر کواپنے مانگوں سے آگاہ کیا ۔میر گنڈ بارہمولہ کے ایک وفد نے مشیر کو سڑک رابطے سہولیات او رپینے کے پانی کی ترسیل سے متعلق مسائل پیش کرکے ان کا حل طلب کیا۔لاوے پورہ کے باشندوںکے ایک وفد نے مشیر کو ان

کمپیوٹر کمپنی پر ایک لاکھ روپے جرمانہ عائد

سرینگر//لیگل اینڈ میٹرولوجی محکمہ نے کمپیوٹر ساز و سامان پر تفاصیل درج نہ ہونے پر ایک کمپنی پر جرمانہ عائد کیا ہے۔محکمہ کی ایک ٹیم نے کل سرینگر شہر میںکئی کمپیوٹر شو روموں کا معائنہ کیا جس دوران ٹیم نے کمپیوٹر ساز و سامان جس میں ہارڈ ڈرائیو،ٹونر ،پین ڈرائیو ،RAM’S،VGA کیبلوں کی جانچ کیتاہم ساز و سامان کے لیبلوںپر قیمت ،تیار کرنے کی تاریخ اور دیگر ضروری جانکاری درج نہیں تھی ،جو کہ لیگل اینڈ میٹرولوجی قوانین کی خلاف ورزی ہے ۔ٹیم نے ساز و سامان کو ضبط کیا ۔محکمہ نے اس سلسلے میںمتعلقہ کمپنیوں کے نام نوٹس ارسال کئے جبکہ ایک کمپنی کو مختلف غلطیوں کا مرتکب پایا گیا اور اس پر ایک لاکھ روپے کا جرمانہ عائد کیا گیا ۔محکمہ نے صارفینسے کہا ہے کہ وہ درآمد شدہ مصنوعات سے متعلق تمام لازمی جانکاری چیک کریں۔ کسی بھی شکایت کی صورت میںمحکمہ کے فون نمبر2490390 پر رابطہ قائم کیا جاسکتا ہے۔  

بابہ ڈیمب آتشزدگان کی بازآباد کاری کی جائے

سرینگر//نیشنل کانفرنس جنرل سکریٹری علی محمد ساگر نے غوثیہ ہسپتال خانیار (بابہ ڈیمپ) کے قریب ہولناک آتشزدگی پر گہرے صدمے کا اظہار کرتے ہوئے متاثرین کیساتھ اظہارِ یکجہتی کیا ہے۔ انہوں نے ضلع انتظامیہ سرینگر سے اپیل کی کہ متاثرین کی فوری بازآبادکاری اور امدادکاری کیلئے اقدامات اُٹھائے اور آتشزدگان کے عارضی قیام و طعام کا بندوبست کیا جائے۔ انہوں نے کہا کہ متاثرہ کنبے اپنا سب کچھ اس ہولناک واردات میں کھو بیٹھے ہیں اور ایسے میں انتظامیہ کی ذمہ داری بنتی ہے کہ ان کی بھر پور مالی امداد کرے ۔ علی محمد ساگر نے ریڈ کراس حکام پر بھی زور دیا کہ وہ بھی متاثرین کی راحت کاری کیلئے اقدامات اُٹھائے۔ یوتھ نیشنل کانفرنس کے صوبائی صدر سلمان علی ساگر نے بھی آگ کی اس ہولناک سے متاثر ہوئے اظہارِ یکجہتی کیا ہے۔

نرسنگ کالج طلاب کا پریس کالونی میں احتجاج | آن لائن امتحانات منعقد کرانے کا مطالبہ

سرینگر// نرسنگ کالج میں زیر تعلیم طلاب نے’’انڈئن نرسنگ کونسل‘‘ کے رہنماء خطوط پر عمل کرنے یا آن لائن امتحانات کا مطالبہ کرنے کے حق میں سرینگر میں احتجاج کیا۔پیر کی صبح پریس کالونی میں نرسنگ کالج میں زیر تعلیم طلاب نے احتجاج کرتے ہوئے نعرہ بازی کی۔احتجاجی مظاہرین نے ہاتھوں میں بینئر اور پلے کارڈر اٹھا رکھے تھے،جبکہ وہ’’ ہمیں انصاف دو،ہم کیا چاہتے آن لائن امتحان‘‘۔ سکینڈ ائر کے طالب علم نے کہا کہ5اگست کے بعد صورتحال اور کویڈ کی وجہ سے پیدہ شدہ صورتحال کی وجہ سے صرف ایک ماہ تک ہی پڑھائی ہوئی۔ان کا کہنا تھا کہ بیشتر اسکولوں میں قرنطینہ مراکز قائم ہیںجس کے نتیجے میںوہ اپنی تعلیم جاری نہیں رکھ سکتے۔احتجاجی طلاب کا کہنا تھا کہ جس طرح دیگر کالجوں میں زیر تعلیم طلاب کو ماس پرموشن دی گئی،اس طرز پر انہیں بھی’’ انٹرنل اسسمنٹ‘&lsqu

بابہ ڈیمب آتشزدگی پر اپنی پارٹی کا اظہار ِ دکھ | نقصان کا تخمینہ لگاکر متاثرین کی فوری باز آباد کاری پر زور

سرینگر//اپنی پارٹی ضلع صدر سرینگر اور سابق ممبر اسمبلی نور محمد شیخ نے بابہ ڈیمب خانیار میں آتشزدگی واردات پر افسوس ظاہر کرتے ہوئے مطالبہ کیا ہے کہ اس واقعہ سے متاثرہ کنبوں کی فوری بازآبادکاری یقینی بنایا جائے۔ انہوں نے ضلع انتظامیہ پرزور دیاکہ محکمہ مال کی ٹیم کو موقع پر روانہ کر کے جلد از جلد نقصان کا تخمینہ لگایاجائے۔نور محمد شیخ نے کہاکہ ضلع انتظامیہ کو چاہئے کہ فوری طور متاثرہ کنبوںمیں ریڈ کراس فنڈ سے فوری ایکس گریشیا ریلیف تقسیم کی جائے، اس کے علاوہ انتظامیہ کو چاہئے کہ نقصان کا تخمینہ لگاکر انہیں معقول معاوضہ دے۔ اپنی پارٹی ضلع صدر نے شہر سرینگر کے گنجان آبادی والے علاقوں میں رہائش پذیر لوگوں سے اپیل کی ہے کہ وہ حد درجہ احتیاطی اقدامات اُٹھائیں تاکہ مستقبل میں اس نوعیت کا سانحہ نہ پیش آئے۔ انہوں نے کہاکہ اس طرح کے واقعات مہلک ثابت ہوسکتے ہیں جس میں قیمتی انسانی جانوں کے زیاں

فوٹو جرنلسٹ ایس عرفان کو صدمہ | والد انتقال کرگئے،صحافتی حلقوں کا اظہار تعزیت

سرینگر//پریس ٹرسٹ آف انڈیا  کے سینئر فوٹو جرنلسٹ ایس عرفان کے والد غلام محمد شیخ ساکن بڈو باغ خانیار حال حفصہ کالونی باغات کنی پورہ اتوار کو انتقال کرگئے ۔صحافتی حلقوں نے غلام محمد شیخ کے انتقال پر گہرے دکھ کا اظہار کرتے ہوئے ایس عرفان کے ساتھ تعزیت کا اظہار کیا ہے ۔کشمیر پریس فوٹو گرافرس ایسوسی ایشن نے اپنے تعزیتی بیان میں غمزدہ خاندان اور خصوصاً اپنے ساتھی ایس عرفان کے ساتھ ہمدردی کا اظہار کیا ہے اور مرحوم کی جنت نشینی کیلئے دعا کی ہے ۔انجمن اردو صحافت نے بھی ایس عرفان کے ساتھ تعزیت کا اظہار کیا ہے اور اللہ تعالیٰ سے دعاکی کہ وہ مرحوم کو جنت الفردوس میں جگہ عطا کرے ۔خاندانی ذرائع کے مطابق فاتحہ خوانی 23ستمبر بدھ کو صبح ساڑھے10بجے آبائی مقبرہ ملہ کھاہ (رعناواری ہسپتال کے عقب میں ) انجام دی جائے گی۔  

حضرت بابا دائود خاکی ؒ کا عرس | کوہ ماران پر آستان عالیہ میں مجالس آراستہ

سرینگر//وادی میںکل بلند پایہ ولی کامل علامہ حضرت بابا داؤد خاکیؒ کا 448واں عرس مبارک نہایت عقیدت واحترام کے ساتھ منایا گیا۔ اِس سلسلے میں سب سے بڑی تقریب اُن کے آستان عالیہ واقع کوہ ماران (زیارت حضرت محبوب العالم شیخ حمزہ مخدومؒ) پر منعقد ہوئی جہاں صبح سویرے ہی قرآن خوانی، ختمات المعظمات، دورد ازکار اور نعت منقبت کی روح پرور مجلس آراستہ ہوئی۔ جس کی پیشوائی بقعہ عالیہ کے ختم خواں پیرزادہ الحاج عبدالمجید مخدومی نے کی۔ وادی کے اطراف و اکناف سے آئے ہوئے عقیدتمدوں نے اس بابرکت اور روح پرور مجلس میں شرکت کی۔ اس موقعے پر حضرت بابا داود خاکیؒ کے علمی اور روحامی کمالات پر بھی روشنی ڈالی گئی۔ تقریب پر مولانا شوکت حسین کینگ، امام حی بقعہ الحاج پیر علی محمد مخدومی ، امام الحاج پیر شبیر احمد مخدومی، پیرزادہ محمد یوسف مخدومی، الحاج شفاعت احمد کاملی اور مخدوم ٹرسٹ کے چیئرمین شاہد جیلانی مخدومی ک

سکمز کا’او پی ڈی‘روزانہ کام کرے گا

سرینگر/ شیر کشمیر انسٹی ٹیوٹ آف میڈیکل سائنسز صورہ میں جنرل میڈیسن او پی ڈی روزانہ بنیادوں پر کام کرے گا۔ سکمز صورہ کے شعبہ عوامی رابطہ کاری کی جانب سے جاری کئے گئے بیان میں بتایا گیا ہے کہ جنرل میڈیسن کا اوپی ڈی کمرہ نمبر 129اور 105میںمریضوں کا ملاحظہ ہوگا۔ بیان میں بتایا گیا ہے کہ کورونا وائرس سے صحتیاب ہونے والے مریضوں کے ملاحظہ کیلئے روم نمبر 107میں منگل اور جمعہ کو ڈاکٹر دستیاب ہونگے۔ اسی طرح شعبہ امراض چھاتی کا او پی ڈی روم نمبر138میں بدھ کو ہوگا۔   

مزید خبرں

مرکز نے خصوصی پوزیشن کا خاتمہ کرکے جموں وکشمیر کو اندھیروں میں دھکیلا سرینگر میںنیشنل کانفرنس خواتین ونگ کے اجلاس سے شمیمہ فردوس کا خطاب سرینگر/نیشنل کانفرنس صوبہ کشمیر خواتین ونگ کا ایک خصوصی اجلاس کل پارٹی ہیڈکوارٹر پر منعقد ہوا جس کی صدارت ریاستی خواتین ونگ کی صدر شمیمہ فردوس نے کی۔ اجلاس میں صدرِ صوبہ کشمیر خواتین ونگ انجینئر صبیہ قادری اور وادی کے ضلع و بلاک صدور نے شرکت کی۔ اجلاس سے خطاب کرتے ہوئے شمیمہ فردوس نے کہا کہ 5اگست2019تاریخ میں ایک سیاہ باب رقم ہوا ہے۔ جس دن سے جموں و کشمیر کے عوام پر ناقابل برداشت مشکلات اور مصائب کے پہاڑ ڈھائے گئے۔ تب سے ریاستی عوام ناگفتہ بہہ معاشی اور اقتصادی صورتحال سے دوچار ہے۔انہوں نے کہا کہ مرکزی حکومت نے 5اگست 2019کے فیصلوں سے جموں وکشمیر کو اندھیروں میں دھکیل دیا۔ کشمیر کے موجودہ حالات 1990سے بہت زیادہ سے خراب ہیں۔ اب تو یہاں صنف نازک

مشکل گھڑی میں کورونا مریضوں کی دیکھ بال | سکمز میں تعینات نرسوں نے ہمت نہیں ہاری | انتھک کوششیںسے مریضوں کے دل جیت لئے

سرینگر //شیر کشمیر انسٹی ٹیوٹ آف میڈیکل سائنسز صورہ میں کام کرنے والی ایک ہزار سے زائد نرسوں میں 30ایسی نرسیں بھی شامل ہیں جو تمام مشکلات اور مصائب کے بائوجود بھی کورونا وائرس میں مبتلا لوگوں کی جان بچانے میں جٹیں ہیں۔ پچھلے 6ماہ کے دوران کورونا وائرس سے متاثر ہونے والے لوگوں کا علاج و معالجہ کرنے کے دوران نرسیں اور نیم طبی عملہ کے دیگر افراد بھی وائرس سے متاثر ہوئے تاہم انہیں نے اسپتال میں زیر علاج متاثرین کے علاج و معالجہ پر کوئی بھی اثر پڑنے نہیں دیا ۔سکمز صورہ میں متاثرین کیلئے بنائے گئے 5خصوصی وارڈوں میں 30نرسیں تعینات ہیں جن میں سے 6دوران ڈیوٹی وائرس سے متاثر ہوئیں۔کورونا وائرس کیلئے بنائے گئے وارڈوں میں تعینات نرسوں میں ہی شوپیان کی رہنے والی ایک نرس بھی شامل ہے جو صبح و شام 116کلومیٹر کا سفر طے کرکے اپنے فرائض انجام دے رہی ہے۔ شوپیان سے تعلق رکھنے والی سینئر نرس 58کلومیٹر کا س

ہارون:4سالہ لڑکے کے اغوا کا معاملہ | عدالت نے ملزمین کو 2 سال قید کی سزا سنا دی

سرینگر // یہاں کی ایک عدالت نے 2002 میں ہارون اغوا کیس میں 2 افراد کو 2 سال قید کی سزا سنائی ہے۔ ایڈیشنل پبلک پراسکوٹر ظفر اقبال شاہین اور دفاعی وکیل کی سماعت کے بعدسب رجسٹرار جوڈیشل مجسٹریٹ ، فارقہ نذیرنے کہا کہ استغاثہ نے یہ ثابت کر دیا کہ اس میں کوئی شک نہیں کہ ملزمین نے 4 سالہ لڑکے کو اغوا کیا اور متاثرہ کنبہ سے رہائی کیلئے رقم کا مطالبہ کیا۔ عدالت نے کہا کہ ریکارڈ میں موجود ثبوت اور اس کیس کے تمام حقائق اور حالات سے یہ ثابت ہوتا ہے کہ ملزم منظور احمد بابا اور قدیر احمد بابانے نابالغ لڑکے کو اغوا کرنے کی مجرمانہ سازش کی تھی۔عدالت نے کہا کے دونوں نے غیر قانونی طور پر متاثر کنبہ سے اغواہی کے بعد پیسے کا تقاضہ کیا۔ عدالت نے مشاہدہ کیا کہ ملزمین کے ذریعہ سرزد ہونے والے جرم سے نابالغ اور اس کے اہل خانہ کی جان کو بھی خطرہ لاحق ہوسکتا ہے اور اس سب کو دیکھتے ہوئے عدالت اپنی آنکھیں بند نہی

روان سال کے 7ماہ | شہر میں154سڑک حادثات میں 25افراد ہلاک159زخمی

 سرینگر //روان سال جولائی کے مہینے تک شہر سرینگر میں 154سڑک حادثات رونما ہوئے ہیں جس دوران 25لوگوں کی موت ہوئی اور 159افراد زخمی ہوئے ہیں ۔محکمہ میں موجود ذرایع نے کشمیر عظمیٰ کو بتایا کہ جنوری کے مہینے میں شہر سرینگر میں 26سڑک حادثات رونما ہوئے تھے ،جس دوران 7افراد کی موت ہوئی اور 29زخمی ہوئے ۔محکمہ نے مزید بتایا کہ فروری کے مہینے میں 28سڑک حادثات کے دوران 2افراد ہلاک اور 36زخمی ہوئے ہیں ۔اسی طرح مارچ کے مہینے میں شہر میں28سڑک حادثات میں 7لوگوں کی موت ہوئی اور 22زخمی ہوئے ۔محکمہ کے عداوشمار کے مطابق اپریل کے مہینے میں کورونا کی وجہ سے سخت لاک ڈائون نافظ تھا جس کے نتیجے میں صرف 7سڑک حادث ہی رونما ہوئے جس دوران صرف 10افراد ہی زخمی ہوئے اور اس ماہ میں کسی شہری کی موت واقع نہیں ہوئی ۔مئی کے مہینے میں شہر سرینگر میں 23سڑک حادثات رونما ہوئے ہیں جس میں 3لوگوں کی موت ہوئی ہے اور 19زخمی ہ

براری پورہ نواکدل سے عید گاہ تک رابطہ سڑک ناگفتہ بہ | مقامی آبادی نالاں، سڑک کی مرمت میں لیت لعل کا الزام

سرینگر// محکمہ تعمیرات عامہ نے اگرچہ شہر کے متعدد علاقوں میں رابطہ سڑکوں پر تارکول بچھانے کا عمل شروع کیا ہے، تاہم بیشتر علاقوں کی اندرونی اور ذیلی رابطہ سڑکیں کھنڈرات میں تبدیل ہیں جس کے نتیجے میں لوگوں کو سخت مشکلات کا سامنا کرنا پڑتا ہے ۔ حلقہ عید گاہ سے منسلک براری پورہ نواکدل سے تاربل عیدگاہ کی رابطہ سڑک کھنڈرات میں تبدیل ہونے سے لوگوں کو عبور و مرور میں کافی مشکلات کا سامنا کرنا پڑتا ہے۔مقامی شہریوں کے مطابق براری پورہ نواکدل سے تار بل عیدگاہ رابطہ سڑک کی حالت انتہائی خستہ اور ناکارہ ہونے کی وجہ سے اس پر سفر کرنا وبال جان بنا ہوا ہے ۔رابطہ سڑک پر جگہ جگہ پرانا میکڈیم اکھڑ جانے سے اس میں بڑے بڑے کھڈے بن گئے ہیں جس کی وجہ سے اکثرو بیشتر ٹریفک جام ہوجاتا ہے ۔نواکدل کے مقامی شہری گوہر احمد بٹ ساکن فردوس کالونی عیدگاہ نے کشمیر عظمیٰ کو بتایا کہ پانچ سال قبل اس رابط سڑک پر میکڈیم بچھای

تازہ ترین