تازہ ترین

خواتین کرکٹروں کی ڈی سی کپواڑہ سے ملاقات

کپواڑہ//ضلع کپواڑہ کی خواتین کرکٹروں کے ایک گروپ نے کل ڈپٹی کمشنر کپواڑہ امام دین سے ملاقات کی تاکہ ان سے درپیش مسائل پر تبادلہ خیال کیا جا سکے۔ڈپٹی کمشنر کے ساتھ بات چیت کے دوران کرکٹروں نے کھیلوں کے سامان اور کھیل کے میدان سمیت مختلف سہولیات کا مطالبہ کیا۔2 ٹیموں سے بات چیت کے بعد ڈپٹی کمشنر نے یوتھ سروسز اینڈ سپورٹس آفیسر کپواڑہ کو ہدایت دی کہ وہ یوتھ مشن کے تحت کرکٹرز کی رجسٹریشن کریں تاکہ وہ کھیلوں کے سامان اور متعلقہ سہولیات کی شکل میں فوائد حاصل کریں۔ انہوں نے اے سی پنچایت کو خواتین کرکٹروںکے لیے 14 ویں ایف سی کے تحت کھیل کے میدان کی شناخت اور ترقی کے لیے بھی ہدایت دی۔اس موقع پر جے ڈی پلاننگ ، اے سی آر اور اے ڈی پلاننگ موجود تھے۔  

ممبئی کے خلاف میچ میں سست اووریٹ کولکاتہ پر جرمانہ عائد

ابوظہبی// دوبارکی آئی پی ایل فاتح فرنچائزی کولکاتہ نائٹ رائیڈرز (کے کے آر) پرکل یہاں زائد کرکٹ اسٹیڈیم میں ممبئی انڈینز کے خلاف کھیلے گئے آئی پی ایل 2021 کے 34 ویں میچ میں سست اوورریٹ کے لئے جرمانہ لگایا گیا ہے ۔اس آئی پی ایل میں سیزن میں یہ دوسری مرتبہ ہے کہ کے کے آرنے آئی پی ایل کے ضابطہ اخلاق کے تحت مقررہ اووروں میں کم اوور ڈالے ہیں، لہٰذا اس خلاف ورزی کے لئے کے لئے آر کے کپتان ایون مورگن پر 24 لاکھ روپے ، جبکہ پلیئنگ الیون کے دیگرممبران پر چھ لاکھ روپے یا ان کی انفرادی میچ فیس کا 25 فیصد جرمانہ عائد کیاگیا ہے ۔