جموں کشمیر اور لداخ کے لوگوں کے حقوق پر بڑا حملہ:عوامی اتحاد برائے گپکار اعلامیہ

سرینگر//عوامی اتحاد برائے گپکار اعلامیہ نے منگل کو جموں کشمیر کی زمین سے متعلق قوانین میں ترمیم کو ”غیر آئینی“ قرار دیتے ہوئے اس کوجمو ں کشمیر اور لداخ کے لوگوں کے حقوق پر”بڑا حملہ“ قرار دیا۔  فورم کے ترجمان سجاد لون نے کہا ”یہ جموں کشمیر اور لداخ کے لوگوں کے حقوق پر بڑا حملہ ہے۔فورم اس کا ہر محاذ پر مقابلہ کرے گا“۔  انہوں نے مزید کہا”یہ اُن ہزاروں مجاہدین آزادی اور کسانوںکی تذلیل ہے جنہوں نے شخصی راج کیخلاف جد و جہد کی ۔یہ آرڈر آئینی جمہوری اُصولوں کی ایک اور کھلم کھلا خلاف ورزی ہے“۔ یاد رہے کہ آج مرکزی وزارت داخلہ نے جموں کشمیر اور لداخ کی زمین سے متعلق قانون کو نوٹیفائی کیا جس کی رو سے اب کوئی بھی غیر مقامی شہری یہاں کی زمین خرید سکتا ہے۔تاہم اس میں ذرعی زمین کو شامل نہیں کیا گیا ہے۔  

مرکز کے ہاتھوں جموں کشمیر برائے سیل:لینڈ لا نوٹیفائی کرنے پر عمر و محبوبہ کا سخت رد عمل

سرینگر//سابق وزرائے اعلیٰ عمر عبد اللہ اور محبوبہ مفتی نے منگل کو جموں کشمیر و لداخ کی زمین سے متعلق قانون کو نوٹیفائی کئے جانے کیخلاف سخت رد عمل ظاہر کرتے ہوئے اس کو ”مرکز کے ہاتھوں جموں کشمیر کی سیل“ سے تعبیر کیا۔ اپنے ایک ٹویٹ میںعمر نے لکھا” جموں کشمیر کی زمین سے متعلق ناقابل قبول ترامیم۔اب تو ڈومیسائل کی علامتی بندش کو بھی ختم کیا گیا۔اب جموں کشمیرسیل پر ہے“۔ محبوبہ نے بھی اپنے ایک ٹویٹ میں ایسے ہی سخت رد عمل کا اظہار کیا۔ انہوں نے لکھا” زمینوں سے متعلق جاری نوٹیفکیشن حکومت ہند کی طرف سے جموں و کشمیرکے لوگوں کے اختیارات ختم کرنے، جمہوری حقوق سے محروم رکھنے اور وسائل پر قبضہ کرنے کے سلسلے کی ایک اور مذموم کوشش ہے۔دفعہ370کو منسوخ کرنے اور وسائل کی لوٹ کے بعد ان زمینوں کی کھلے عام فروخت کیلئے راہ ہموار کی گئی“۔ قابل ذکر ہے کہ آج مرکزی و

امریکی وزیر خارجہ اور دفاع کی قومی سلامتی کے مشیر اجیت ڈوول سے میٹنگ

نئی دہلی// امریکی وزیر خارجہ مائک پومپیو اور وزیر دفاع مارک ایسپر نے منگل کو یہاں قومی سلامتی کے مشیر اجیت ڈوول سے ملاقات کی اورحکمت عملی کی اہمیت کے حامل مسئلوں اور چیلنجوں پر تفصیلی سے غور و خوض کیا۔ ہندوستان امریکہ ٹوپلس ٹو میٹنگ میں حصہ لینے آئے دونوں امریکی وزیر میٹنگ شروع ہونے سے پہلے ساو¿تھ بلاک پہنچے جہان ڈوول نے ان کا خیر مقدم کیا۔ سرکاری ذرائع نے میٹنگ کو ’بےحد تخلیقی‘ قرار دیتے ہوئے یہاں بتایا کہ سلامتی ،استحکام اور اصولوں پر مبنی علاقائی اور عالمی سکیورٹی کے ماحول کو یقینی بنانے کے مقصد سے ہر شعبہ میں صلاحیت بڑھانے کےلئے دونوں ملکوں کے درمیان حکمت عملی کی شراکت داری کو آگے بڑھانے کے سلسلے میں بحث ہوئی۔ قومی سلامتی کے مشیر اور دونوں امریکی وزرا کے درمیان یہ میٹنگ ایسے وقت میں ہوئی ہے جب مشرقی لداخ میں ایکچوو¿ل لائن آف کنٹرول پر ہندوستا

جنوبی ضلع پلوامہ میں ریچھ کے حملے میں4شہری زخمی

سرینگر//جنوبی ضلع پلوامہ کے روہمو گاوں میں منگل کو ریچھ نے حملہ کرکے چار شہریوں کو زخمی کردیا۔ نیوز ایجنسی کے این او کے مطابق ریچھ آج صبح سویرے نمودار ہوکر چار افراد پر حملہ آور ہو،ا اور چاروں کو زخمی کردیا جن میں ایک خاتون بھی شامل ہے۔ زخمی شہریوں کو پبلک ہیلتھ سینٹر روہمو پہنچایا گیا جہاں سے اُنہیں ضلع اسپتال پلوامہ منتقل کیا گیا۔ زخمی شہریوں کی شناخت عبد الاحد ڈار، اشفاق احمد ڈار، عمر گل اور تاجہ بیگم ساکنان روہمو کے طور ہوئی ہے۔ دریں اثناءمقامی لوگوں نے اُنہیں ایمبولینس فراہم نہ کئے جانے پر پی ایچ سی روہمو کیخلاف احتجاج کیا ہے۔انہوں نے کہا کہ ایمبولینس کی عدم دستیابی کے باعث اُنہیں سبھی زخمیوں کو پرائیویٹ گاڑیوں میں پلوامہ پہنچا نا پڑا۔  

کنگن میں پانی کی عدم دستیابی کیخلاف لوگوں کا احتجاج،لیہہ۔سرینگر شاہراہ پر ٹریفک میں خلل

کنگن//وسطی ضلع گاندربل کے چکی پرنگ کجپارہ کنگن میں پینے کے پانی کی عدم دستیابی کے خلاف لوگوں نے منگل کو سرینگر ۔لیہہ شاہراہ پر احتجاجی دھرنا دیکر گاڑیوں کی آمدورفت میں خلل پڑا۔  چکی پرنگ کجپارہ کنگن کے مردو زن نے سرینگر۔ لداخ شاہراہ پر محکمہ جل شکتی کے خلاف احتجاجی دھرنا دیا جس کے نتیجے میں شاہراہ پر ٹریفک کی آمدورفت ایک گھنٹے تک متاثر رہی۔  مظاہرین کا کہنا تھا کہ ان کی بستی میں گذشتہ بیس دنوں سے پینے کے پانی کی شدید قلت ہے اور لوگ مجبور ہوکر مضر صحت پانی استعمال کرنے پر مجبور ہیں جس کی وجہ سے یہاں مہلک بیماریاں پھوٹ پڑنے کا خطرہ لاحق ہے۔  کنگن پولیس نے جائے وقوع پر جاکر احتجاجی مظاہرین کو یقین دلایا کہ ان کے اس مسلے کو جلد حل کیا جائے گا جس کے بعد انہوں نے پرامن طور پر دھرنا ختم کیا اور شاہراہ پر ٹریفک بحال ہوگیا۔

پشاور پاکستان کے مدرسے میں دھماکہ، 5 ہلاک، 55 زخمی

اسلام آباد// پاکستان کے شہرپشاور میں ایک مدرسے میں دھماکے کے نتیجے میں پانچ افراد جاں بحق اور 55 زخمی ہو گئے ہیں۔ پشاور خیبر پختون خوا ہ کا دارالخلافہ ہے۔ پاکستانی میڈیا کے مطابق پشاور پولیس نے بتایا کہ دھماکہ ٹائم بم کے ذریعے کیا گیا جبکہ دھماکہ خیز مواد بیگ میں رکھ کر مدرسے لایا گیا تھا۔ ابتدائی اطلاعات میں 19 بچوں کے زخمی ہونے کی تصدیق کی گئی۔ جیو نیوز نے بچاو¿ کام میں لگے ذرائع کا حوالہ دیتے ہوئے کہا ہے کہ دھماکہ ڈیر کالونی میں ہوا ہے۔زخمی بچوں کو لیدی ریڈنگ اسپتال میں اور دیگر طبی سہولیات مراکز میں داخل کرایا گیا ہے۔ کئی زخمی بچوں کی حالت نازک بتائی گئی ہے۔  

ضلع راجوری میں بچے کی لٹکتی لاش بر آمد

سرینگر//ضلع راجوری میں ایک بارہ سالہ بچے کی لاش اس کے ہی گھر میں لٹکتی حالت میں پائی گئی ہے۔یہ واقعہ ضلع کے بہروٹ گاوں میں گذشتہ شام پیش آیا۔ نیوز ایجنسی کے این او کے مطابق بچے کی لاش ملتے ہی پولیس کو مطلع کیا گیا جس کے بعد تھنہ منڈی پولیس سٹیشن سے ایک ٹیم جائے مقام پر پہنچ گئی۔ پولیس کے مطابق لاش کو قانونی لوازمات کیلئے تحویل میں لیا گیا۔اس سلسلے میں دفعہ174سی آر پی سی کے تحت تحقیقات شروع کی گئی ہے۔  

ملک میں کورونا انفیکشن کے36470 نئے معاملے ،تین ماہ میں سب سے کم

نئی دہلی// ملک میں کورونا وائرس انفیکشن کی رفتار سست ہوتی جارہی ہے اور ایک دن میں سامنے آنے والے معاملے 40 ہزار سے نیچے آگئے ہیں اور ہلاک شدگان کی تعداد مسلسل دوسرے دن 500 سے نیچے رہی۔ صحت اور خاندانی بہبود کی مرکزی وزارت کی جانب سے منگل کو جاری اعدادو شمار کے مطابق پچھلے 24 گھنٹے کے دوران کورونا کے 36470 نئے معاملے سامنے آئے جبکہ 63842 لوگوں نے اس وبا کو مات دی ہے۔ اس سے فعال معاملے 27860 گھٹ کر 625,857 رہ گئے ہیں۔ اس دوران 488 مریضوں کی موت ہونے سے اس سے جان گنوانے والوں کی تعداد 119,502 ہوگئی ہے۔ کورونا سے اب تک 79.46 لاکھ لوگ متاثر ہوئے ہیں جن میں سے 72.01 لاکھ صحت مند ہوچکےہیں۔ اس سے صحت مند ہونے والوں کی شرح بڑھکر 90.62 فیصد اور فعال معاملوں کی شرح 7.88 فیصد رہ گئی ہے، جبکہ موت شرح 1.50 فیصد ہے۔ کورونا کی وبا سے سب سے زیادہ متاثر مہاراشٹر میں پچھلے 24 گھنٹوں کے دوران

سرینگر میں بھاجپاکے حمایتیوں نے ’ترنگا ریلی‘ نکالی

سرینگر//بھارتیہ جنتا پارٹی کے حمایتیوں نے پیر کے روز سرینگر میں’ترنگا ریلی‘ نکالی۔اس ریلی کا اہتمام جموں کشمیر کا بھارت کے ساتھ الحاق کے73سال مکمل ہونے کے موقع پر کیا گیا تھا۔ جموں کشمیر کا بھارت کے ساتھ الحاق26اکتوبر1947کو ہوا ۔ ریلی میں شامل بھاجپا کے سینئر لیڈران اور کارکنان نے سخت حفاظتی بندو بست میں ٹائیگور ہال سرینگر کے قریب سے ریلی کا آغاز کرتے ہوئے نعرے بازی کی۔ ریلی سابق وزرائے اعلیٰ ڈاکٹر فاروق ،محبوبہ مفتی اور عمر عبد اللہ کی رہائش گاہوں کے سامنے سے گپکار روڑ پر گذراری گئی۔ ریلی میں شامل بھاجپا لیڈر الطاف ٹھوکر نے کہا”ہم یوم الحاق منارہے ہیں۔ہم ہندوستانی ہیں اور قومی پرچم کو سلام کرتے ہیں“۔ انہوں نے مزید کہا ”گپکار اتحادلوگوں کو دھوکہ دینے کیلئے خاندانی اتحاد ہے“۔ الطاف ٹھوکر نے کہا” آج کا دن مقبول شیروانی جیس

نہرو-گاندھی خاندان نے کبھی بھی وزیراعظم دفتر کااحترام نہیں کیا:نڈا

نئی دہلی//بھارتیہ جنتا پارٹی(بی جے پی) کے قومی صدر جگت پرکاش نڈا نے کانگریس اور گاندھی خاندان کی تنقید کا نشانہ بناتے ہوئے کہا کہ پنجاب میں راہل گاندھی کی ہدایت پر نریندر مودی کا پتلا جلانے کا” ڈرامہ“ شرمناک ہے۔  نڈا نے سلسلہ وار ٹویٹ کرکے کہا ”ایسا ڈرامہ غیرمتوقع نہیں ہے کیونکہ نہرو۔گاندھی خاندان نے کبھی بھی پی ایم او کا احترام نہیں کیا ہے“۔ انہوں نے مزید کہا کہ سال 2004 سے 2014 تک متحدہ ترقی پسند اتحاد (یو پی اے) کے دوراقتدارکے دوران وزیراعظم کے اختیارات کو ادارہ جاتی طورپر کمزور کرتے ہوئے دیکھا گیا۔  

وکیل دیپیکا راجاوت پر مخصوص کمیونٹی کے مذہبی جذبات’ مجروح‘ کرنے کا الزام، مقدمہ درج

جموں// کٹھوعہ عصمت دری و قتل کیس کی نمائندگی کرنے والی معروف وکیل دیپیکا سنگھ راجاوت کے خلاف ایک ٹویٹ میں مبینہ طور پر ایک مخصوص کمیونٹی کے مذہبی جذبات مجروح کرنے کے پاداش میں مقدمہ درج کیا گیا ہے۔ ایک پولیس افسر نے اس کی تصدیق کرتے ہوئے کہا کہ مختلف لوگوں کی طرف سے شکایت درج ہونے کے بعد موصوفہ کے خلاف پولیس اسٹیشن گاندھی نگر جموں میں ایک ایف آئی آر درج کیا گیا ہے۔ یاد رہے کہ راجاوت نے اپنے ذاتی ٹویٹر ہینڈل پر ایک کارٹون ٹویٹ کیا تھا جس میں دکھایا گیا ہے کہ ایک طرف نوراتری تہوار کے نو دنوں کے دوران مرد خاتون دیویوں کی پوجا اور تعظیم کرتے ہیں جبکہ باقی ایام کے دوران خواتین کے ساتھ زیادتی کی جاتی ہے۔  

سابق مرکزی وزیردلیپ رائے کو کوئلہ گھپلہ معاملے میں تین سال کی قید

نئی دہلی// دہلی کی ایک مقامی عدالت نے پیر کے روز سابق مرکزی وزیر دلیپ رائے کو کوئلہ گھپلہ معاملے میں تین سال قید کی سزا سنائی۔ عدالت نے سابق وزیر کو 1999 کے جھارکھنڈ کوئلہ گھپلہ معاملے میں تین سال قید کی سزا سنائی۔ عدالت نے سابق وزیر اعظم اٹل بہاری واجپائی کی حکومت میں وزیر مملکت رہے رائے کو اس ماہ کے اوائل میں دیگر افراد کے ساتھ قصوروار ٹھہرایا تھا۔  

ترنگے کی توہین ناقابل برداشت : جاوڈیکر

نئی دہلی// اطلاعات و نشریات کے مرکزی وزیر پرکاش جاوڈیکر نے جموں و کشمیر کی سابق وزیراعلی محبوبہ مفتی کے ترنگے کے سلسلے میں دئے گئے بیان کی مذمت کرتے ہوئے کہا ہے ” ترنگے کی توہین بالکل بھی برداشت نہیں ہے“۔  جاوڈیکر نے پیر کو ٹویٹ کرکے کہا،”ترنگا ہندوستان کی شان ہے،ترنگا ہندوستان کی پہچان ہے“۔ واضح رہے کہ محبوبہ مفتی نے اپنی رہائی کے بعد بتایا کیا تھا کہ وہ اُس وقت تک جموں و کشمیر کے علاوہ دوسرا کوئی پرچم نہیں اٹھائیں گی جب تک سابق ریاست کا پرچم اور اس کی خصوصی پوزیشن نہیں لوٹائی جائے گی۔  

دنیا میں کورونا متاثرین کی تعداد 4.29 کروڑ کے پار،11.53 لاکھ ہلاکتیں

واشنگٹن/ریو ڈی جینیریو/نئی دہلی// عالمی وبا کورونا وائرس (کووڈ19) کا خطرہ مسلسل تیزی سے بڑھتا جارہا ہے اور دنیا کے 189 ملکوں میں متاثرین کی تعداد 4.29 کروڑ کے پار پہنچ گئی ہے اور اس وائرس کے متاثرین سے 11,52,990 لوگوں کی موت ہوچکی ہے۔ امریکہ کی جان ہاپکنز یونیورسٹی کے سائنس اور انجینئرنگ کے مرکز (سی ایس ایس ای) کی جانب سے جاری اعدادو شمار کے مطابق دنیا میں کورونا وائرس سے اب تک 42,926,013 لوگ متاثر ہوئے ہیں اور تقریباً 11.53 لاکھ لوگوں کی موت ہوگئی ہے۔ امریکہ میں متاثرین کی تعداد 86,35,752 ہوگئی ہے۔  

ملک میں کورونا وائرس کے 50 ہزار سے کم نئے معاملے ظاہر

نئی دہلی// ملک میں کورونا وائرس انفیکشن کی رفتار مسلسل سست ہوتی جارہی ہے اور کافی دنوں بعد اس کے ایک دن میں 50 ہزار سے کم نئے معاملے سامنے آئے ہیں اور اس سے ہونے والی اموات کی تعداد بھی پانچ سو سے کم ہوگئی ہے۔ صحت اور خاندانی بہبود کی مرکزی وزارت کی جانب سے پیر کو جاری اعدادو شمار کے مطابق پچھلے 24 گھنٹے کے دوران کووڈ 19 کے 45149 نئے معاملے سامنے آئے اور اس کے بعد ملک میں متاثرین کی کل تعداد 79,09,960 ہوگئی۔ اسی مدت میں 59,165 لوگوں نے س جان لیوا وائرس کو مات دی ہے۔  

پندرہ روز قبل اقدام خود کشی کرنے والا سی آر پی ایف اہلکار دم توڑ بیٹھا

سرینگر//پندرہ روز قبل اقدام خود کشی کرنے والا ایک سی آر پی ایف اہلکار صدر اسپتال سرینگر میں گذشتہ شب زخموں کی تاب نہ لاکر دم توڑ بیٹھا۔ نیوز ایجنسی کے این او کے مطابق مذکورہ سی آر پی ایف اہلکار نے12اکتوبر کے روز اپنی سروس رائفل سے خود پر گولی چلائی تھی جس سے وہ شدید زخمی ہوا تھا۔اُس کی حالت گذشتہ شب مزید ابترہوئی جس کے بعد اُس نے آخری سانس لی۔ مذکورہ اہلکار کا تعلق سرینگر شیر گڑھی میں تعینات ڈی کمپنی کی141وین بٹالین سے تھا۔  

سرینگر۔لداخ شاہراہ ہلکی برفباری کے بعد گاڑیوں کی آمد و رفت کیلئے بند

کنگن//منی مرگ، دراس اور زوجیلا درے پر ہوئی تازہ برفباری کے نتیجے میں سرینگر۔ لداخ شاہراہ پر ٹریفک کی آمدورفت پیر کو بند رہی۔  کشمیر عظمیٰ کو ملی تفصیلات کے مطابق محکمہ موسمیات کی پیشگوئی کے عین مطابق گذشتہ روز منی مرگ، دراس اور زوجیلا پر تازہ برفباری کی وجہ سے ٹریفک حکام نے سرینگر ۔لداخ شاہراہ پر احتیاطی طور پر دونوں طرف سے گاڑیوں کی آمدورفت کو بند کردیا ہے۔ اطلاعات کے مطابق شاہراہ بند ہونے کے نتیجے میں سونہ مرگ اور منی مرگ میں سینکڑوں گاڑیاں درماندہ ہوکر رہ گئی ہیں۔ ایس ڈی ایم دراس اصغر علی نے کشمیر عظمیٰ کو بتایا کہ شیطانی نالہ اور زوجیلا پر پھسلن پیدا ہونے کی وجہ سے احتیاطی طور پر گاڑیوں کی نقل و حمل کو روک دیا گیا ہے۔ انہوں نے مزید بتایا کہ اگر موسم ساز گار رہا تو دوپہر کے بعد درماندہ گاڑیوں کو اپنی اپنی منزلوں کی طرف روانہ کیا جائے گا۔  

سرینگر لالچوک میں ترنگا لہرانے کی کوشش کرنے والے کپوارہ کے تین بھاجپا کارکن گرفتار

سرینگر//پولیس نے پیر کی صبح شمالی ضلع کپوارہ سے تعلق رکھنے والے تین بھاجپا کارکنوں کو اُس وقت گرفتار کرلیا جب وہ سرینگر کے لالچوک میں ترنگا لہرانے کی کوشش کررہے تھے۔ اطلاعات کے مطابق گرفتار ہونے والے تین بھاجپا کارکنوں کی شناخت میر بشارت،میر اشفاق اور اختر خان کے طور کی گئی ہے۔ نیوز ایجنسی کے این او نے بشارت کا حوالہ دیتے ہوئے لکھا کہ وہ لالچوک اس غرض سے آئے تھے کہ وہاں ترنگا لہرائیں۔بشارت نے کہا”ہم محبوبہ مفتی اور ’عوامی اتحاد‘ کے دوسرے ممبران کو یہ پیغام دینا چاہتے ہیں کہ کشمیر کے اندر صرف ترنگا ہی لہرائے گا“۔ تاہم پولیس فوری طور پر حرکت میں آکر تینوں بھاجپا کارکنوں کو گرفتار کرکے پولیس سٹیشن کوٹھی باغ پہنچایا۔  

سرینگر میں’عوامی اتحاد‘ لیڈران کی میٹنگ شروع

سرینگر//سرینگر میں ہفتہ کے روز ”عوامی اتحاد برائے گپکار اعلامیہ“ کے لیڈروں کی میٹنگ شروع ہوگئی ہے۔”اتحادی“ لیڈران کی میٹنگ پی ڈی پی صدر محبوبہ مفتی کی سرکاری رہائش گاہ پرہورہی ہے۔ جو لیڈران اس میٹنگ میں شامل ہیں اُن میں محبوبہ کے علاوہ نیشنل کانفرنس کے صدر ڈاکٹر فاروق عبد اللہ اور عمر عبد اللہ،پیپلز کانفرنس کے سجاد لون، کیمونسٹ پارٹی آف انڈیا کے یوسف تاریگامی وغیرہ شامل ہیں۔ نیوز ایجنسی کے این او نے ذرائع کا حوالہ دیتے ہوئے لکھا ہے کہ آج کی میٹنگ میں کل جماعتی اتحاد کے عہدیداروں  کے بارے میں فیصلہ لیا جائے گا اور عین ممکن ہے کہ اس اتحادی فورم کی سربراہی فاروق کو سونپی جائے گی اور محبوبہ کو بھی کوئی اہم عہدہ دیا جائے گا۔   

محبوبہ مفتی کے بیان کے خلاف جموں میں احتجاجی مظاہرہ

جموں// پی ڈی پی صدر اور سابق وزیر اعلیٰ محبوبہ مفتی کے ترنگے کے بارے میں بیان کے خلاف جموں میں ہفتے کو احتجاجی مظاہرہ ہوا۔ان مظاہروں کا اہتمام شیو سینا ڈوگرہ فرنٹ نامی تنظیم نے کیا تھا۔ یاد رہے کہ محبوبہ مفتی نے گذشتہ روز طویل نظر بندی کے بعد اپنی پہلی پریس کانفرنس کے دوران کہا ” میں تب تک کوئی جھنڈا نہیں اٹھاو¿ں گی جب تک نہ جموں وکشمیر کا جھنڈا واپس دیا جائے گا“۔ جموں وکشمیر کے بی جی پی یونٹ نے موصوفہ کے ان کلمات کو” بغاوت“ سے تعبیر کرتے ہوئے ان کی گرفتاری کا مطالبہ کیا ہے۔

تازہ ترین