تازہ ترین

دیوندر سنگھ کیس میں این آئی اے کے تازہ چھاپے

سری نگر// قومی تحقیقاتی ایجنسی (این آئی اے) نے ہفتہ کو معطل شدہ ڈی ایس پی دیویندر سنگھ کیس میں جاری تحقیقات کے سلسلے میں سری نگر اور دوسرے علاقوں میں تازہ چھاپے ڈالے۔ واضح رہے کہ دیویندر سنگھ کو سال رواں کے ماہ جنوری میں اس وقت سری نگر – جموں شہراہ پر گرفتار کیا گیا تھا جب وہ حزب المجاہدین سے وابستہ دو جنگجوو¿ں ،نوید بابو اور الطاف کو اپنی گاڑی میں جموں لے جارہا تھا۔ ان کی تحویل سے کچھ اسلحہ بھی برآمد کیا گیا تھا۔ ذرائع نے کہا کہ آج سرینگر میں ایک تاجر کے گھر پر چھاپہ مارا گیا ۔  

جموں کشمیر میں سکول کھولنے سے متعلق فیصلہ ہونا ابھی باقی ہے:مشیر شرما

سرینگر//حکام نے ہفتہ کو کہا کہ ابھی جموں کشمیر کے اندر سکول کھولنے کے بارے میں کوئی فیصلہ نہیں لیا گیا ہے۔ نیوز ایجنسی کے این او نے لیفٹیننٹ گورنر کے مشیر کیول کمار شرما کا حوالہ دیتے ہوئے لکھا ہے کہ مرکزی سرکار نے ریاستوں سے سکولوں کے کھولے جانے سے متعلق پوچھا ہے۔ شرما نے کہا”ابھی تک اس ضمن میں صلاح مشورہ ہی چل رہا ہے اور کوئی حتمی فیصلہ نہیں لیا گیا ہے“۔ واضح رہے کہ ماہ مارچ کے دوسرے ہفتے سے کورونا وباءکی وجہ سے یہاں کے تعلیمی ادارے بند پڑے ہیں۔  

لاک ڈاﺅن کے دوران اساتذہ کی تنخواہیں واگذار کریں اور اُنہیں نوکری سے نہ نکالیں: نجی تعلیمی اداروں کو حکام کی وارننگ

سرینگر//حکام نے ہفتہ کو سبھی نجی سکولوں کو خبردار کیا کہ اگر انہوں نے جاری کورونا لاک ڈاﺅن کے دوران اساتذہ کو نوکری سے نکالا یا اُن کی تنخواہیں واگذار نہیں کیں تو اُن کیخلاف سخت کارروائی عمل میں لائی جائے گی۔ نیوز ایجنسی جی این ایس کے مطابق ڈائریکٹر سکول ایجو کیشن کشمیر نے اس ضمن میں ایک نوٹفکیشن جاری کی جس میں وادی کے سبھی نجی تعلیمی اداروں کو بتایا گیا کہ وہ اساتذہ کو بنا کسی خلل کے تنخواہیں واگذار کریں۔نوٹفکیشن میں بتایا گیا کہ اگر کوئی سکول خلاف ورزی کا مرتکب پایا گیا تو اُس کی رجسٹریشن منسوخ کی جائے گی۔ نوٹفکیشن میں نجی تعلیمی اداروں کو یہ بھی بتایا گیا کہ وہ اپنے اساتذہ کو لاک ڈاﺅن کے دوران نوکریوں سے نہ نکالیں ۔

وادی کشمیر میں کورونا ہلاکتوں کا سلسلہ جاری،مزید5اموات

سرینگر//وادی کشمیر میں ہفتہ کو مزید 5افراد کورونا وائرس کی وجہ سے جاں بحق ہوگئے۔  حکام کے مطابق تازہ ہلاکتوں میں مالو پورہ پلوامہ کی ایک55سالہ خاتون،پنزگام کپوارہ کے ایک60سالہ شہری،نٹی پورہ کی ایک50سالہ خاتون،زالورہ سوپوراور ہندوارہ کے ایک50سالہ شہری کی اموات شامل ہیں۔ کورونا وائرس سے ابھی تک سب سے زیادہ 148اموات سرینگر میں ہوئی ہیں۔ اس کے بعد ضلع بارہمولہ کا نمبر آتا ہے جہاں 78افراد کورونا سے از جان ہوگئے۔بڈگام ضلع میں34،اننت ناگ میں30،کولگام میں29،پلوامہ میں29،شوپیان میں24 اورکپوارہ ضلع میں23 اموات ہوئی ہیں۔

ملک میں 61 ہزار سے زائد کورونا کیس ظاہر، مجموعی تعداد2088612

نئی دہلی// ملک میں دن بہ دن کورونا وائرس کے بگڑتے حالات کے درمیان لگاتار دوسرے دن 61 ہزار سے زائد نئے کیسز کی اطلاع ملی ہے جس سے متاثرین کی تعداد بڑھ کر20.89 لاکھ ہوگئی ہے اور 933 افراد کی ہلاکتوں کے بعد مجموعی تعداد 42518 ہوگئی ہے۔  شفایابی کی شرح میں لگاتاراضافے کے باوجود گزشتہ چوبیس گھنٹوں کے دوران ملک میں کورونا کے نئے کیسز میں 11،704 عدد کا اضافہ ہوا ہے ، اور یہ تعداد 619088 ہوگئی ہے۔ یہ اطمینان کی بات ہے کہ اسی عرصے کے دوران 48900 افراد کی شفایابی کی وجہ سے وبا سے صحتیاب ہونے والوں کی تعداد بھی 1427006 لاکھ ہوگئی۔  مرکزی وزارت صحت کی جانب سے ہفتہ کے روز جاری تازہ ترین اعداد و شمار کے مطابق 61537 کیسز کے ساتھ متاثرین کی مجموعی تعداد 2088612 ہوگئی ہے۔ جمعہ کے روز62538 کیسز رپورٹ ہوئے۔ وزارت کے مطابق شفایابی کی شرح 68.32اور اموات کی شرح 2.04 فیصد ہے۔

کیرالہ طیارہ حادثے میں 18 افراد کی موت کی تصدیق

ملا پورم// کیرالہ میں ملاپورم کے ضلع مجسٹریٹ کے گوپال کرشنن نے کوزیکوڈ بین الاقوامی ہوائی اڈے کے رن وے پر پیش آئے طیارہ حادثے میں سنیچر کے روز 18 افراد کی موت اور کئی افراد کے زخمی ہونے کی تصدیق کی ۔  گوپال کرشنن نے کہا کہ تمام زخمیوں کو ملاپورم اور کوزیکوڈ کے مختلف اسپتالوں میں داخل کرایا گیا ہے اور ان کے بہتر علاج کے لئے ہر ممکن کوشش کی جارہی ہے۔ کیرالہ کے کوزیکوڈ میں جمعہ کی شب کو دبئی سے آرہا ائیر انڈیا کا طیارہ حادثے کا شکار ہوگیا۔ سول ایوی ایشن کے ڈائریکٹوریٹ جنرل نے بتایا کہ دبئی سے آ یا ایئر انڈیا ایکسپریس کا طیارہ ہوائی اڈے پرشام 19:41 بجے ہوئی اڈے کے رن وے 10 سے پھسل کرحادثے کاشکار ہو کر دو ٹکڑوں میں ٹوٹ گیا۔ انہوں نے بتایا کہ طیارے میں 174 مسافر ، 10 شیرخوار بچے ، دو پائلٹ اور پائلٹ عملے کے پانچ افراد سوار تھے۔ نیشنل ڈیزاسٹر ریسپانس فورس (این ڈی آر ایف) کی ٹ

شمالی ضلع بانڈی پورہ میں مزید9علاقے ریڈ زون قرار

سرینگر//حکام نے کورونا مریض ظاہر ہونے کے بعد ضلع بانڈی پورہ کے 9علاقے ریڈ زون قرار دئے ہیں۔ گذشتہ شام جاری کئے گئے ایک آرڈر میں ضلع انتظامیہ نے مذکورہ علاقوں کی نشاندہی کی۔ان میں گرورا، قوئل مقام،اجس،شاہ گنڈ،نوگام،شیک العالم کالونی،شیخپورہ،جرنیال اور ڈانگن شامل ہیں۔ یاد رہے کہ گذشتہ روز ضلع بانڈی پورہ میں48کورونا کیس سامنے آئے تھے جس سے ضلع میں کورونا کیسوں کی تعداد962تک پہنچ گئی۔ضلع میں ابھی تک17افراد کورونا کی وجہ سے فوت ہوئے ہیں۔ آرڈر میں لوگوں کو احتیاط برتنے اور کم سے کم نقل حمل کرنے کی صلاح دی گئی ہے۔  

شمالی کشمیر کے اوڑی میں شوہر کی موت پر خاتون کی خود کشی

اوڑی/شمالی قصبہ اوڑی کے سید پورہ گاوں میں ایک خاتون نے اپنے شوہر کی موت کا صدمہ برداشت نہ کرتے ہوئے خود کشی کا انتہائی اقدام اٹھایا۔ اطلاعات کے مطابق 52 سالہ اولاد علی شاہ ولد مانگ شاہ کچھ دنوں سے گورنمنٹ میڈیکل کالیج بارہمولہ میں زیر علاج تھے جہاں وہ آج صبح سویرے حرکت قلب بند ہونے سے انتقال کرگئے۔ مقامی لوگ اولاد شاہ کے کفن دفن کی تیاری میں مصروف تھے کہ اسی دوران اُس کی اہلیہ نے صدمے کا شکار ہوکر کوئی زہریلی شے کھا لی۔اُسے فوری طور سب ضلع اسپتال اوڑی پہنچایا گیا جہاں ا±سے ڈاکٹروں نے مردہ قرار دیا۔ ایس ایچ او اوڑی محمد اشرف نے بتایا کہ ابتدائی چھان سے معلوم ہوا ہے کہ خاتون اپنے شوہر کی موت کا صدمہ برداشت نہ کر سکی اور ا±س نے خود کشی کرلی ۔انہوں نے بتایا کہ تا ہم مفصل مزید چھان بین جاری ہے۔  

نامور ماہر تعلیم آغا اشرف علی نہ رہے

سرینگر//معروف ماہر تعلیم آغا اشرف علی گذشتہ رات کے دوران اپنی رہائش گاہ پر انتقال کرگئے۔ اُن کے گھریلو ذرائع نے بتایا کہ آغا اشرف علی نے رات قریب پونے بارہ بجے آخری سانس لی۔ آغا اشرف علی نے جموں کشمیر میں مسلمانوں کی تعلیم میں کلیدی کردار نبھایا ہے۔  

ٹنگمرگ کے اسپتال میں آگ نمودار ، میٹنگ ہال کو جزوی نقصان

سرینگر//شمالی کشمیر کے ٹنگمرگ میں قائم اسپتال میں ہفتے کی صبح آگ نمودار ہوئی۔ اطلاعات کے مطابق آگ کی وجہ سے اسپتال کے میٹنگ ہال اور کاریڈور کو جزوی نقصان پہنچا۔ اطلاعات میں مزید بتایا گیا کہ آگ لگنے کے باعث اسپتال میں زیر علاج آٹھ مریضوں کو دوسری عمارت میں منتقل کرنا پڑا۔ حکام کے مطابق آگ بجھانے والا عملہ وقت پر جائے واقعہ پر پہنچا اور اور آگ پر قابو پالیا۔  

کورونا کیسوں میں473کا اضافہ، متاثرین کی تعداد23927

سرینگر//جموں کشمیر میں جمعہ کو مزید473افراد کے کورونا ٹیسٹ مثبت پائے گئے اور اس طرح یہاں مہلک وائرس سے مبتلاءلوگوں کی تعداد23927تک پہنچ گئی ہے۔ آج ظاہر ہونے والے کورونا کیسوں میں52مسافر بھی شامل ہیں۔ وادی کشمیر سے آج345جبکہ جموں صوبے سے128کیس ظاہر ہوئے ہیں۔وادی میں ایک بار پھر سب سے زیادہ123کیس سرینگر میں سامنے آئے ہیں۔ نیوز ایجنسی جی این ایس کے مطابق بارہمولہ ضلع میں آج32،پلوامہ میں26،کولگام میں16،شوپیان میں8،اننت ناگ میں13،بڈگام میں24،کپوارہ میں28،بانڈی پورہ میں48،گاندربل میں27،جموں ضلع میں61،راجوری میں3،رام بن میں1،اُدھمپور میں23،کٹھوعہ میں9 ،سانبہ میں11،ڈوڈہ میں3،پونچھ میں1اور ریاسی ضلع میں16کیس سامنے آئے ہیں۔  

جموں و کشمیر میں کسی کے ساتھ بھید بھاونہیں برتا جائے گا: لیفٹیننٹ گورنر سنہا

سری نگر// جموں و کشمیر یونین ٹیریٹری کے لیفٹیننٹ گورنر منوج سنہا نے کہا ہے ” بھارتی آئین ہمارے لئے گیتا کا کام کرے گا اور ہم کسی سے کوئی بھید بھاو¿ روا نہیں رکھیں گے“۔ انہوں نے کہا” ہمارا کوئی مخصوص ایجنڈا نہیں ہے بلکہ آئینی اختیارات کو جموں و کشمیر کی بھلائی اور ترقی کے لئے استعمال کیا جائے گا“۔ موصوف لیفٹیننٹ گورنر نے ان باتوں کا اظہار جمعہ کے روز یہاں راج بھون میں اپنی حلف برداری کی تقریب کے حاشئے پر میڈیا کے ساتھ بات کرتے ہوئے کیا۔ انہوں نے کہا”میں یقین دلانا چاہتا ہوں کہ ہمارا کوئی مخصوص ایجنڈا نہیں ہے، کسی کے ساتھ کوئی بھید بھاو¿ نہیں کیا جائے گا بلکہ بھارتی آئین ہمارے لئے گیتا کا کام کرے گی“۔ کشمیر کو بھارت کی جنت قرار دیتے ہوئے موصوف لیفٹیننٹ گونر نے کہا”کشمیر بھارت کے لئے جنت کی حیثیت رکھتا ہے، مجھے یہاں اپن

کپوارہ میں کنٹرول لائن پر آر پار گولہ باری سے 6 عام شہری زخمی

سری نگر// ہندوستان اور پاکستان کی افوج کے درمیان بین الاقوامی سرحد اور لائن آف کنٹرول پر ایک دوسرے کے ٹھکانوں کو نشانہ بنا کر گولہ باری یا فائرنگ کے تبادلے کا سلسلہ تواتر کے ساتھ جاری ہے۔ جمعہ کو شمالی کشمیر کے ضلع کپوارہ کے کرناہ اور بارہمولہ کے بونیار سیکٹروں اور جموں کے ضلع پونچھ کے بالاکوٹ سیکٹر میں ایل او سی پر طرفین کے درمیان گولہ کا تبادلہ ہوا جس کے نتیجے میں چھ عام شہری زخمی ہوئے ہیں۔ فوج کے ترجمان کرنل راجیش کالیا کے مطابق ”کپوارہ کے ٹنگڈار سیکٹر میں پاکستانی فائرنگ سے6شہری زخمی ہوگئے“۔انہوں نے مزید کہا کہ پاکستان نے شہری آبادی کی طرف مارٹر گولے داغے جس کا بھارتی افواج نے ”موثر“ جواب دیا۔ سرکاری ذرائع نے بتایا کہ کپوارہ کے کرناہ سیکٹر ٹنگڈار میں آج پاکستانی فوج نے بھارتی ٹھکانوں پر اندھا دھند گولہ باری کردی جس کے نتیجے میں پہلے تین اور بعد م

شہر میں غیر قانونی تعمیرات کی بھرمار کیخلاف کرائم برانچ کی چھاپہ مار کارروائی

سرینگر//کرائم برانچ کشمیر نے جمعہ کو کہا کہ اُنہوں نے سرینگر میں غیر قانونی تعمیرات کے ذریعے شاپنگ مال تیار کئے جانے کی اطلاعات کے بعد اس سلسلے میں تحقیقات شروع کی ہے۔  کرائم برانچ ترجمان نے کہا کہ ایسی شکایات مل رہی ہیں کہ سرینگر میں غیر قانونی طور شاپنگ مالوں اور دیگر ڈھانچوں کی تعمیر بہت بڑے پیمانے پر کی جارہی ہے اور ایسا تعمیراتی ضوابط کو بالائے طاق رکھ کیا جارہا ہے۔ انہوں نے مزید کہا کہ کرائم برانچ نے اس سلسلے میں شہر کے کئی علاقوں میں چھاپے مارے جن میں چھانہ پورہ،کرن نگر،صنعت نگر، زکورہ،بالہامہ،پاندچھ وغیرہ شامل ہیں۔ کرائم برانچ ترجمان کے مطابق شہر میں کی جارہی غیر قانونی تعمیرات میں سرینگر میونسپلٹی حکام بالا کے ملوث ہونے کو خارج از امکان قرار نہیں دیا سکتا ہے۔اُن کا کہنا تھا کہ میونسپلٹی کے زیریں افسران کے ملوث ہونے کی بھی تحقیقات کی جارہی ہے۔ کرائم برانچ ت

کرناہ سیکٹر میں آر پار گولہ باری سے 3شہری زخمی،سرینگر منتقل

سرینگر//ضلع کپوارہ کے کرناہ علاقے میں لائن آف کنٹرول پر جمعہ کوبھارت اور پاکستان کی افواج کے مابین شدیدگولہ باری کا سلسلہ شروع ہوا جس کے نتیجے میں تین شہریوں کے زخمی ہونے کی اطلاع ہے۔ مقامی ذرائع نے بتایاکہ آئے دنوں کی آر پار گولہ باری کے نتیجے میں لوگوں میں خوف و دہشت پیدا ہوئی ہے ۔ اطلاعات کے مطابق آج صبح ساڑھے نو بجے کے قریب کرناہ علاقہ گن گرج سے دہل اٹھا۔فوجی ذرائع کے مطابق پاکستانی رینجرز نے سعدپورہ، دھنی، ہجترہ کے علاوہ سریاں کے اوپری علاقوں میں فوجی چوکیوں کو نشانہ بنانے کی کوشش کی جس کا بھارتی افواج نے بھرپور جواب دیا۔  گولہ باری کے نتیجے میں تین شہری زخمی ہوئے ہیں جن کی شناخت محمد عارف ساکن شمس پورہ،محمد یعقوب ساکن باغ بالا اور سید رفاقت ساکن کچاڈیاں کے طور ہوئی ہے۔ تینوں زخمیوں کو بہتر علاج و معالجہ کیلئے سرینگر منتقل کیا گیا ہے۔

شمالی کشمیر کے اُوڑی میں کنٹرول لائن پرہند۔پاک افواج کے مابین گولہ باری کا تبادلہ

سرینگر//شمالی کشمیر کے اُوڑی میں جمعہ کو کنٹرول لائن پر بھارت اور پاکستان کی افواج کے مابین گولہ باری کا تبادلہ ہوا۔ حکام نے کہا کہ پاکستانی افواج نے بونیار سیکٹر میں بلا اشتعال فائرنگ کی اور بھارتی چوکیوں کا نشانہ بنایا۔ حکام نے مزید کہا کہ پاکستانی فائرنگ کا ”بھر پور“ جواب دیا گیا۔انہوں نے کہا کہ بھارتی فورسز نے مُہر کیمپ سے پاکستانی فائرنگ کا جواب دیا۔ اس واقعہ میں کسی جانی یا مالی نقصان کی کوئی اطلاع نہیں آئی ہے۔

ایک دن میں پہلی بارریکارڈ 62 ہزار سے زائد کورونا مریضوں کا اضافہ

سرینگر// ملک میں کورونا وائرس کے بڑھتے قہر کے بیچ گزشتہ24گھنٹوں کے دوران 62538 کیس رپورٹ ہونے سے متاثرین کی تعداد 20 لاکھ کو عبور کر چکی ہے اور اس طرح ملک میں کورونا متاثرین کی بڑھ کر2027074 تک پہنچ گئی ہے۔ تاہم یہ اطمینان کی بات ہے کہ اس عرصہ کے دوران 49769 افراد شفایاب ہونے سے جان لیوا وائرس سے صحت مند ہونے والوں کی تعداد 1378106 لاکھ ہوگئی ہے۔ جمعہ کے روز وزارت صحت کی جانب سے جاری تازہ ترین اعداد و شمار کے مطابق ایک ہی دن میں پہلی بار کورونا وائرس کے کیسوں کی تعداد بڑھ کر 2027075 ہوگئی ہے اور886 افراد کی ہلاکت کے ساتھ ہی اموات کی مجموعی تعداد 41585 ہوگئی ہے۔ وزارت کے مطابق شفایابی کی شرح 67.98 فیصد اور اموات کی شرح 2.05 فیصد تک پہنچ گئی ہے۔  

کورونا وائرس نے کشمیر میں مزید7افراد کی جان لی

سرینگر//کورونا وائرس کی وجہ سے جموں کشمیر میںجمعہ کو مزید7افراد جاں بحق ہوگئے۔ نیوز ایجنسی کے این او کے مطابق جو 7 افراد آج از جان ہوگئے اُن میں سوپور کی ایک60 سالہ خاتون، اونتی پورہ کا ایک55سالہ شہری،سرنل اننت ناگ کی ایک65سالہ خاتون،حول سرینگر کا ایک32سالہ شہری،ایچ ایم ٹی سرینگر کا ایک60سالہ شہری،ڈلگیٹ سرینگر کی ایک65سالہ خاتون اور حول سرینگر کا65سالہ شہری شامل ہیں۔ حکام کے مطابق یہ افراد مختلف اسپتالوں میں زیر علاج تھے۔  

بانڈی پورہ میں اگلے48گھنٹوں تک سخت پابندیاں عائد رکھنے کا فیصلہ

سرینگر//گذشتہ روز49کورونا کیس ظاہر ہونے کے بعد بانڈی پورہ ضلع انتظامیہ نے جمعہ کوپابندیاں عائدکرنے کا فیصلہ لیکر لاک داﺅن کو 48گھنٹوں تک بڑھایا ہے۔ رات دیر گئے جاری ایک حکمنامے میں ضلع انتظامیہ نے بتایا کہ گذشتہ پانچ روز میں ضلع کے اندر170افراد کے کورونا ٹیسٹ مثبت ظاہر ہوئے ہیں جن میں ضروری سروس فراہم کرنے والے بھی شامل ہیں۔ انتظامیہ نے کہا کہ کورونا کی صورتحال کو مد نظر رکھتے ہوئے ضروری اقدامات اٹھانا لازم بن گیا ہے۔آرڈر میں سبھی دکان بغیر ادویات اور ضروری سپلائی کو بند رکھنے کے احکامات جاری کئے گئے ہیں اور ان احکامات کو آج سے اگلے48گھنٹوں کیلئے نافذ العمل بتایا گیا ہے۔اس کے علاوہ پبلک ٹرانسپورٹ کی نقل و حمل پر بھی مکمل پابندی عائد کی گئی ہے۔  

کرناہ میں کنٹرول لائن پر آر پار گولہ باری سے ماحول خوفزدہ

سرینگر//ضلع کپوارہ کے کرناہ علاقے میں لائن آف کنٹرول پر جمعہ کوبھارت اور پاکستان کی افواج کے مابین ایک مرتبہ پھر گولہ باری کا سلسلہ شروع ہو گیا ۔مقامی ذرائع نے بتایاکہ آئے دنوں کی آر پار گولہ باری کے نتیجے میں لوگوں میں خوف و دہشت پیدا ہوئی ہے ۔ اطلاعات کے مطابق آج صبح ساڑھے نو بجے کے قریب کرناہ علاقہ گن گرج سے دہل اٹھا۔فوجی ذرائع کے مطابق پاکستانی رینجرز نے سعدپورہ، دھنی، ہجترہ کے علاوہ سریاں کے اوپری علاقوں میں فوجی چوکیوں کو نشانہ بنانے کی کوشش کی جس کا بھارتی افواج نے بھرپور جواب دیا۔  گولہ باری کے نتیجے میں ابھی تک کسی جانی یا مالی نقضان کی کوئی اطلاع نہیں ہے البتہ آخری اطلاعات ملنے تک آر پارگولہ باری کا سلسلہ جاری تھا۔

تازہ ترین