تازہ ترین

جنوبی ضلع اننت ناگ میں جیش جنگجو اورایک اعانت کار گرفتار: پولیس

سرینگر//پولیس نے منگل کو بتایا کہ جنوبی ضلع اننت ناگ میں جیش سے وابستہ ایک جنگجو اور ایک اعانت کار کو گرفتار کیا گیا ہے۔ ایک پولیس بیان کے مطابق ایاز احمد بٹ ولد غلام رسول بٹ ساکن شیر پورہ بالا کو فوج اور پولیس نے ناکہ چیکنگ کے دوران ایک پستول ایک میگزین اور سات گولیوں سمیت گرفتار کرلیا۔پولیس کے مطابق ایاز حال ہی میں جنگجو صفوں میں شامل ہوا تھا۔ اس کے علاوہ مذکورہ ضلع میں ہی جنگجوﺅں کے ایک اعانت کار کی بھی گرفتاری عمل میں لائی گئی ہے۔گرفتار اعانت کار کی شناخت رئیس احمد میر ولد عبد الرشید ساکن چندہارہ پانپور کے طور کی گئی ہے اور اسے مہندی کدل اننت ناگ میں مصدقہ اطلاع کی بنیاد پر گرفتار کیا گیا۔ پولیس کے مطابق گرفتار اعانت کار کی تحویل سے ایک گرینیڈ بر آمد کیا گیا ہے۔ دونوں گرفتاریوں کے سلسلے میں کیس درج کرکے مزید تحقیقات شروع کی گئی ہے۔  

مختلف پبلک سیکٹر محکموں کے ملازمین کا سری نگر میں احتجاج

سری نگر// مختلف پبلک سیکٹر محکموں میں کام کرنے والے درجنوں ملازموں نے منگل کے روز سرینگر کی یس کالونی میں تنخواہوں کی واگذاری کے حق میں احتجاج درج کیا۔ احتجاجی ملازموں جو جموں وکشمیر پبلک ایمپلائز اینڈ ورکرس فیڈریشن کے بینر تلے جمع ہوئے تھے، نے الزام لگایا کہ وہ گذشتہ کئی ماہ سے تنخواہوں سے محروم ہیں جس کی وجہ سے ان کا عیال فاقہ کشی کے دہانے پر پہنچ گیا ہے۔ اس موقع پر فیڈریشن کے صدر وجاہت حسین نے میڈیا کو بتایا ” ہم گذشتہ کئی ماہ سے تنخواہوں سے محروم ہیں جس کی وجہ سے ہمارا عیال فاقہ کشی کے دہانے پر پہنچ گیا ہے“۔    

ضلع راجوری کے کئی دیہات میں فورسز کا تلاشی آپریشن

سرینگر//سیکورٹی فورسز نے منگل کو ضلع راجوری میں کئی دیہات کو محاصرے میں لیکر تلاشی آپریشن شروع کیا۔ حکام کے مطابق یہ گاوں راجوری ٹاون کے قریب ہی واقع ہیں اوران میں ٹھنڈی کاسی،گردان،چاوان اور ٹنڈوال شامل ہیں۔ انہوں نے کہا کہ یہ تلاشی آپریشن مصدقہ اطلاعات ملنے کے بعد شروع کیا گیا اور اس میں فوج کے علاوہ پولیس ،بی ایس ایف اور سی آر پی ایف اہلکار حصہ لے رہے ہیں۔  

جنوبی کشمیر کے قاضی گنڈ میں سڑک حادثہ، تین سی آر پی ایف اہلکار، شہری زخمی

سری نگر//جنوبی کشمیر کے ضلع کولگام کے قاضی گنڈ علاقے میں منگل کی صبح سینٹر ل ریزرو پولیس فورس(سی آر پی ایف) کی ایک گاڑی اور تیل کے ایک ٹینکر کے درمیان ٹکر ہونے سے تین سی آر پی ایف اہلکار اور ٹینکر کا ڈرائیور زخمی ہوگئے۔ سرکاری ذرائع نے تفصیلات فراہم کرتے ہوئے کہا کہ قاضی گنڈ کے بونہ گام علاقے میں منگل کی صبح سی آر پی ایف کی 46 بٹالین کی ایک کیسپر گاڑی اور ایک تیل ٹینکر کے درمیان ٹکر ہوئی جس کے نتیجے میں سی آر پی ایف کے تین اہلکار اور ٹینکر کا ڈرائیور زخمی ہوگئے۔ انہوں نے بتایا کہ زخمیوں کو علاج ومعالجے کے لئے فوری طور نزدیکی ہسپتال منتقل کیا گیا جہاں ان سب کی حالت مستحکم بتائی جا رہی ہے۔  

جنوبی ضلع شوپیان میں عدم شناخت لاش بر آمد

سرینگر//جنوبی ضلع شوپیان کے آونیرہ ، زینہ پورہ علاقے میں منگل کو میوہ باغ کے اندر ایک عدم شناخت لاش بر آمد ہوئی۔ نیوز ایجنسی جی این ایس کے مطابق مقامی لوگوں نے لاش دیکھتے ہی پولیس کو مطلع کیا جس کے بعد ایک پولیس ٹیم نے جائے واردات پر پہنچ کر لاش کو تحویل میں لے لیا۔ لاش کی شناخت اور دیگر تفاصیل کا انتظار ہے 

گجرات میں سڑک کنارے سونے والے15 مزدور بے قابو گاڑی کے نیچے کچل کر ہلاک

سورت// گجرات کے ضلع سورت میں گذشتہ دیر رات ایک بے قابو گاڑی نے سڑک کنارے سونے والے 20 افراد کو کچل دیا جس سے ان میں 15 کی موت ہو گئی۔ پولیس نے منگل کو بتایا کہ یہاں سے تقریباً 50 کلومیٹر دور کِم-مانڈوی روڈ پر کوسنبا کے پلوڈگام کے نزدیک یہ حادثہ ہوا۔ ہلاک ہونے والے بنیادی طور پر راجستھان کے ضلع بانسواڑہ کے ک±شل گڑھ کے باشندے مزدور بتائے گئے ہیں۔ ہلاکتوں میں بچے اور خواتین بھی شامل ہیں۔ درمیانی رات کے آس پاس ایک تیز رفتار ڈمپر، گنا لدے ایک ٹریکٹر- ٹرالی سے تصادم کے بعد غیر متوازن ہو کر ان مزدوروں کے اوپر چڑھ گئی۔ ان میں سے 12 کی تو موقع پر ہی موت ہو گئی۔ آٹھ زخمیوں میں سے تین نے سورت کے اسمیمیر اسپتال میں دم توڑ دیا۔ پولیس نے گاڑی کو ضبط کرکے اس کے ڈرائیور اور کلینر کو پکڑ لیا ہے۔ بتایا جاتا ہے کہ ڈرائیور نے شراب پی رکھی تھی۔ معاملے کی تفصیلی چھان بین کی جا رہی ہے

ملک میں کورونا وائرس کے محض10ہزار نئے کیس

نئی دہلی// ملک میں کورونا انفیکشن کے نئے معاملات میں کمی کا سلسلہ جاری ہے اور فعال کیسز کم ہوکر دو لاکھ کے قریب رہ گئے ہیں جبکہ اس کی وجہ سے ہونے والی یومیہ اموات کی تعداد دوسرے دن بھی 150 سے نیچے رہی۔ مرکزی وزارت صحت کی جانب سے منگل کی صبح جاری اعداد و شمار کے مطابق گذشتہ 24 گھنٹوں کے دوران انفیکشن کے 10064 نئے کیسز سامنے آئے ، جس سے متاثرین کی تعداد ایک کروڑ پانچ لاکھ 81 ہزار ہوگئی ہے۔ اس دوران17411 مریض بازیاب ہوئے جس سے کورونا سے ٹھیک ہونے والے افراد کی تعداد ایک کروڑ دو لاکھ 28 ہزار 753 ہوگئی اور فعال کیسز کو 7484 کم ہوکر200528رہ گئے ہیں۔  

معروف صحافی غلام نبی شیدا نہ رہے

سرینگر//معروف صحافی اور اُردوروزنامہ ’وادی کی آواز‘ کے بانی و مدیر غلام نبی شیدا گذشتہ رات کے دوران سرینگر میں انتقال کرگئے۔ غلام نبی شیدا ایک سال کے زیادہ عرصہ سے صاحب فراش تھے۔ جنوبی ضلع پلوامہ کے اصل باشندہ غلام نبی شیدا کی وصیت کے مطابق اُنہیں آج صبح گوری پورہ پلوامہ لیجایا گیا جہاں اُنہیں اپنے آبائی قبرستان میں سپرد لحد کیا گیا۔اس سے قبل مرحوم کی نماز جنازہ میں لوگوں کی بھاری تعداد نے شرکت کی۔ وادی کے صحافتی حلقوں نے غلام نبی شیدا کے انتقال پر رنج و غم کا اظہار کرتے ہوئے اُنہیں ایک بہترین صحافی اور قلب سلیم رکھنے والا انسان قرار دیا ہے۔ مرحوم کے قریبی ذرائع نے بتایا کہ اُنہوں نے ساری زندگی اپنے اُصولوں کی آبیاری کی اورسخت ترین مصائب کا سامنا کیا۔  

امریکہ میں کورونا وائرس متاثرین کی تعداد 2.40 کروڑ سے متجاوز

واشنگٹن// عالمی وبا کورونا سے سب سے زیادہ متاثر امریکہ میں وائرس کے کیسز 2.40 کروڑ سے زیادہ ہو گئے ہیں۔ امریکہ کی جان ہاپکنز یونیورسٹی کے سائنس اینڈ ا نجینئرنگ سینٹر (سی ایس ایس ای) کی جانب سے جاری اعداد و شمار کے مطابق امریکہ میں کورونا وائرس کے اب تک دو کروڑ 40 لاکھ 73 ہزار 555 کیسز سامنے آئے ہیں جبکہ تین لاکھ 98 ہزار 977 افراد اس وبا سے لقمہ اجل بن چکے ہیں۔  

سرینگر میں کم سے کم درجہ حرارت منفی7.0ڈگری سیلشیس ریکارڈ

سرینگر//وادی کشمیر میں سردی کی شدت بدستور قائم ہے اور گذشتہ رات کے دوران سرینگر میں کم سے کم درجہ حرارت منفی7.0ڈگری سیلشیس ریکارڈ کیا گیا۔ محکمہ موسمیات نے منگل کو بتایا کہ وادی بھر میں درجہ حرارت نقطہ انجماد سے نیچے درج کیا گیا ہے۔ محکمہ کے مطابق وادی میں اگلے چوبیس گھنٹوں کے دوران موسم خشک رہنے کی توقع ہے تاہم22جنوری کی شام سے موسم میں تبدیلی کا امکان ہے جس کا سلسلہ25جنوری شام تک جاری رہے گا۔ اس دوران کہیں کہیں درمیانہ درجے اور کہیں کہیں ہلکی برفباری متوقع ہے۔ وادی کشمیر میں فی الوقت سخت ترین سردی کے ایام چل رہے ہیں جنہیں کشمیری کلینڈر میں’چلہ کلان‘ کہا جاتا ہے۔40روز پر مشتمل ’چلہ کلان‘ 31جنوری کو اختتام پذیر ہوگا۔  

کسانوں کی ٹریکٹر ریلی پر روک لگانے کی عرضی کی سماعت بدھ تک ملتوی

نئی دہلی// مرکزی حکومت کے زرعی قوانین کے خلاف ٹریکٹر ریلی پر روک لگانے کی عرضی کی سپریم کورٹ میں سماعت بدھ تک کے لئے ملتوی کردی گئی ہے۔ دلی پولیس کی عرضی پر پیر کو چیف جسٹس شرد اروند بوبڈے کی صدارت والی تین رکنی بنچ کے سامنے سماعت ہونی لیکن جسٹس بوبڈے نے کہا کہ کسان تحریک کی سماعت کرنے والی بنچ ہی اس معاملے کی سماعت کرے گی۔ آج چیف جسٹس کے ساتھ دو دیگر جسٹس بیٹھے تھے۔

شمالی ضلع کپوارہ میں فوجی آفیسر کی مبینہ خود کشی

سرینگر//شمالی ضلع کپوارہ کے ٹنگڈار علاقے میں تعینات ایک فوجی میجر نے پیر کو مبینہ طور خود کشی کرلی۔ یہ فوجی آفیسر ایک اگلی چوکی میں تعینات تھا۔  نیوز ایجنسی کے این او کے مطابق ٹنگڈارسیکٹر میں تعینات مذکورہ فوجی آفیسر کی خود کشی کی وجوہات کا فوری طور پر پتہ نہیں چلا ہے۔ پولیس کی ایک ٹیم جائے واردات کیلئے روانہ ہوگئی ہے۔  

وادی کشمیر میں ٹھٹھراتی سردیوں کا سلسلہ جاری

سری نگر// وادی کشمیر میں محکمہ موسمیات کی طرف سے برف باری کے ایک اور مرحلے کی پیش گوئی کے بیچ ٹھٹھراتی سردیوں کا سلسلہ مسلسل جاری ہے جس نے اہلیان وادی کو گونا گوں مشکلات سے دوچار کردیا ہے۔ محکمہ موسمیات کی پیش گوئی کے مطابق وادی کشمیر میں 21 جنوری تک موسم خشک رہ سکتا ہے تاہم 22 سے 24 تک ہلکی سے درمیانی درجے کی برف باری متوقع ہے۔ محکمہ موسمیات کے مطابق گذشتہ رات کے دوران سرینگر میں کم سے کم درجہ حرارت منفی6.4ڈگری سیلشیس،پہلگام میں منفی6.8ڈگری جبکہ گلمرگ میں منفی6ڈگری سیلشیس ریکارڈ کیا گیا۔ دریں اثنا وادی کشمیر کا ملک کے باقی حصوں کے ساتھ زمینی رابطہ بحال ہوگیا ہے اور سری نگر- جموں شاہراہ پر پیر کو دوسرے روز بھی ٹریفک کی یکطرفہ نقل و حمل جاری رہی۔  

دنیا میں کورونا وائرس متاثرین کی تعداد 9.5 کروڑ سے متجاوز

واشنگٹن / ریو ڈی جنیرو / نئی دہلی// دنیا میں مہلک کورونا وائرس (کووڈ-19) کی وبا کا قہر بڑھتا ہی جا رہا ہے اور پوری دنیا میں اس سے 9.5 کروڑ سے زائد افراد متاثر ہوئے ہیں اور اس کے سبب 20 لاکھ سے زیادہ افراد اپنی جان سے جا چکے ہیں۔ امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ اعداد و شمار کے مطابق دنیا کے 191 ممالک میں اب تک نو کروڑ 50 لاکھ تین ہزار 533 افراد کورونا وائرس سے متاثر ہوچکے ہیں جبکہ 20 لاکھ 29 ہزار 938 افراد ہلاک ہو چکے ہیں۔ کورونا وائرس سے دنیا میں سب سے زیادہ متاثر امریکہ میں متاثرہ افراد کی تعداد بڑھ کر 2.39 کروڑ ہوگئی ہے ، جبکہ 3.97 لاکھ سے زیادہ مریضوں کی موت ہوچکی ہے۔ ہندوستان میں متاثرہ افراد کی تعداد ایک کروڑ پانچ لاکھ 42 ہزار ہوگئی ہے۔ صحت ہونے والے افراد کی تعداد ایک کروڑ ایک لاکھ 71 ہزار 773 ہوگئی ہے جبکہ ہلا

رام بن میں ٹرک ندی میں جاگری،ڈرائیور سمیت 2افراد لاپتہ

سرینگر//سرینگر۔جموں شاہراہ پر ضلع رام بن میں ایک ٹرک رامسو کے نزدیک لڑھک کرایک ندی میں گرجانے کے بعد ٹرک ڈرائیور سمیت دو افراد لاپتہ ہوگئے۔یہ حادثہ پیر کی صبح پیش آیا۔ نیوز ایجنسی جی این ایس کے مطابق مذکورہ ٹرک شیر بی بی علاقے میں شاہراہ سے لڑھک کر ندی میں جاگری۔  حادثے کے فوراً بعد بچاو کارروائی شروع کی گئی جس کے دوران ایک شخص کو زخمی حالت میں بر آمد کیا گیا۔زخمی شخص کو بعد میں اسپتال منتقل کیا گیا۔آخری اطلاعات ملنے تک تاہم ٹرک ڈرائیور سمیت دو افراد کی تلاش جاری تھی۔  

کولگام میں بکروال گھرانے کے2کمسن بچے شدید ٹھنڈ کی وجہ سے لقمہ اجل

سرینگر//جنوبی ضلع کولگام میں پیر کو جموں کے ریاسی ضلع سے تعلق رکھنے والے بکروال گھرانے کے دو بچے شدید ٹھنڈ کی وجہ سے لقمہ اجل بن گئے۔یہ واقعہ ضلع میں دیوسر علاقے کے برنل لامڑ علاقے میں پیش آیا۔ نیوز ایجنسی کے این او کے مطابق مذکورہ بکروال گھرانے کے افراد ایک ٹینٹ میں رہائش پذیر تھے اور سنیچر کی رات شدید ٹھنڈ کی وجہ سے اُن میں شامل ایک کمسن بچہ لقمہ اجل بن گیا۔مذکورہ بچے کی شناخت10سالہ ساحل زبیر ولد زبیر احمد منڈھر ساکن ریاسی کے طور ہوئی ہے۔  گذشتہ شب بھی مذکورہ گھرانے کی ایک6سالہ بچی شدید ٹھنڈ کی وجہ سے بے حد بیمار ہوگئی جس کی شناخت 6سالہ شازیہ جان کے طور ہوئی ہے۔ شازیہ کو نزدیکی اسپتال لیجانے کوشش کی گئی تاہم وہ راستے میں ہی دم توڑ بیٹھی۔ تحصیلدار دیوسر عبد الرشید نے کے این او کو بتایا کہ مذکورہ بکروال گھرانے کو قبل از وقت ہی نزدیکی سکول میں پناہ لینے کیلئے کہا گیا تھ

مسلم ممالک پر سفری پابندی سے متعلق ٹرمپ کے فیصلے کو بائیڈن واپس لیں گے

واشنگٹن// امریکہ کے نو منتخب صدر جو بائیڈنن نے صدر ڈونالڈ ٹرمپ کی جانب سے کئی مسلم ممالک پر نافذ سفری پابندی کو ہٹائے جانے کا منصوبہ بنایا ہے۔ الجزیرہ نے اپنی رپورٹ میں یہ اطلاع دی ہے۔ رپورٹ کے مطابق وائٹ ہاوس کے متوقع چیف آف اسٹاف کلائن نے ایک بیان میں کہا ہے کہ نئی امریکی انتظامیہ اپنے شروعاتی 10 دنوں میں ٹرمپ کی جانب سے نافذ پالسیز کو رد کرے گی۔ ان میں کووِڈ-19 روک تھام کی کوشش، پیرس موسمیاتی تبدیلی کے معاہدے پر دوبارہ عمل درآمد اور شہریت حاصل کرنے کے لیے امیگریشن قانون کی اجازت دیے جانے سے متعلق پالیسیز شامل ہیں۔  

ڈاون ٹاون سرینگر میں شبانہ آگ کی واردات ، کئی رہائشی مکانوں کو نقصان

سرینگر//ڈاون ٹاون سرینگر کے سیکہ ڈافر، صفا کدل علاقے میں گذشتہ شب کے دوران آتشزدگی کی ایک واردات میں کئی مکانوں کو نقصان پہنچا اور گریلو سامان خاکستر ہوا۔ نیوز ایجنسی کے این او کے مطابق اس واردات میں فائر اینڈ ایمر جنسی سروس کا ایک سب انسپکٹر زخمی ہوگیا جو آگ پر قابو پانے کے دوران مکان سے گر گیا۔ یہ آگ گندرپورہ چوک، سیکہ ڈافر میں ایک مکان سے ظاہر ہوئی جس نے پھیل کر چھ مکانوں کو اپنی زد میں لایا۔جن مکانوں کو آگ کی اس واردات میں نقصان پہنچا اُن کے مالکان میں محمد امین لون،شبیر احمد لون،مرحوم غلام احمد بٹ، محمد دلاور بٹ،محمد اسلم بٹ اور غلام محمد بٹ شامل ہیں۔  حکام کے مطابق آگ پر قابو پانے کے دوران فائر اینڈ ایمر جنسی سروس کا ایک سب انسپکٹر نور عالم خان ایک مکان سے گر کر زخمی ہوگیا جسے علاج و معالجہ کیلئے اسپتال منتقل کیا گیا۔ قابل ذکر ہے کہ سرینگر میں گذشتہ24گھنٹوں ک

ترال میں دھمکی آمیز پوسٹر چسپاں کرنے کی پاداش میں5نوجوان گرفتار

ترال//ضلع پلوامہ کے ترال میں پولیس نے دھمکی آمیز پوسٹر چسپاں کرنے کے الزام میں کئی علاقوںسے تعلق رکھنے والے5نوجوانوں کو گرفتار کر لیا ہے اور ان کے قبضے سے ایک لیپ ٹاپ اور پرنٹر بھی ضبط کر لیا۔ پولیس نے بتایا کہ13 جنوری کو جنگجوﺅں کے دھمکی آمیز پوسٹر سیر اور بٹہ گنڈ میں دیکھے گئے تھے جس کے بعد پولیس نے ایک کیس درج کر کے تحقیقات شروع کی ۔ پولیس کی جانب سے موصولہ ایک بیان میں بتایا گیا ہے کہ واقعہ کے بعد پولیس نے متعدد مقامات پر چھاپے مارے جس کے دوران مختلف گاﺅں سے تعلق رکھنے والے 5افراد کی گرفتاری عمل میں لائی گئی ۔گرفتار نوجوانوں سے ایک لیپ ٹاپ اور ایک پرنٹرضبط کیا گیاہے ۔  

شمالی ضلع بانڈی پورہ میں لوڈ کیریئر دریائے جہلم میں جاگرا،دو افراد زخمی

سرینگر//شمالی ضلع بانڈی پورہ کے حاجن علاقے میں ہفتہ کو ایک لوڈ کیریئر دریائے جہلم میں جاگرا جس کے نتیجے میں دو افراد زخمی ہوگئے۔ نیوز ایجنسی جی این ایس کے مطابق ٹاٹا موبائیل کو اُس وقت حادثہ پیش آیا جب یہ ڈرائیور کے قابو سے باہر ہوگیا۔ اس حادثے میں زخمی ہونے والوں کی شناخت شوکت احمد گورو ولد عبد الرحیم گورو اور غلام نبی گورو ولد غلام رسول گورو ساکنان شادی پورہ بانڈی پورہ کے طور ہوئی ہے۔ دونوں زخمیوں کو مقامی ہیلتھ مرکز سے سکمز صورہ منتقل کیاگیا ہے۔  

تازہ ترین