تازہ ترین

نعتیں

تاریخ    17 اکتوبر 2021 (00 : 01 AM)   


نعتِ شریف 

’’رب کے محبوب کی زندگی معجزہ‘‘
شاہِ کونین کی بندگی معجزہ
 
زندگی معجزہ، بندگی معجزہ
ہر عمل معجزہ ، سادگی معجزہ
 
طائرِ سد رہ کے پر جہاں جل گئے
شاہِ معراج کی رفتگی معجزہ
 
کسریٰ قیصر کے گنبد کاوہ ٹوٹنا
آمدِ مصطفیٰ کی گھڑی معجزہ
 
اک اشارہ کیا چاند بھی شق ہوا
ڈوبتے شمس کی واپسی معجزہ
 
قاب قوسین نزدیک تر دیدنی
بے قراروں کی وارفتگی معجزہ
 
 جبیں نازاں
لکشمی نگر، نئی دہلی 
jabeennazan2015@gmail.com
 
 

رسولِ رحمتﷺ

تیرے بدولت نبیٔ ؐ رحمت  ملی جہاںمیں ہے ہم  کو عزت
ہے نام تیرا، پیام تیرا، ستم کبیدہ دلوں کی راحت
بحر ثنا گو، ہےبَر ثنا گو، حجر و سارے شجر ثنا گو
ہے بزمِ انجُم یہ چاند  سورج مدح سرائے رسولِ رحمتؐ
بدر ہے تیر ا، اُحد بھی تیرا، خندق، حُنین اور تبوک تیرا
اِذن سے رب کے قدم قدم پر ملی ہمیشہ ہے تُم کو نُصرت
تھا رابطہ وہ خُدا سے تیرا زمیں پہ ہوکر بھی کیا نرالا
عرش کے سائے تلے ملی ہے خدائے رحمٰن سے وہ  قُربت
گرائی بارش وہ پتھروں کی جو اہلِ طائف کے سنگ دلوں نے
قدم قدم  پہ سہی ہے تُم نے بقائے دیں کے لئے عُقوبت
بنے ہوئے جو تھے خوں کے پیاسے اور راہ سے جو بھٹک گئے تھے
اُنہیں نکھارا ہے اور سنوارا پلایا اُن کو ہے جامِ اُلفت 
صدیقؓ پیارا، عُمر ؓدُلارا،انوکھا عُثماںؓ،علیؓ نرالا
بنے ہوئے ہیں وہ جاکے دیکھو نبیؐ کی محفل میں  خوبصورت
نہیں کسی سے کبھی بھی بدلہ لیا ہے تُم نے یہ جان کر بھی 
کہ دل میں اُن کے ہے تیری خاطر چھُپی ہوئی اک کڑی کدورت
 
طُفیلؔ شفیع
گورنمنٹ میڈیکل کالج سرینگر
موبائل نمبر؛6006081653  
 
 

مولائے کُلؐ

مولائے کل ختم الرسّل اُم الکتاب ہے
خیر الاُمم خیر الوریٰ رسالت ماَب ہے
 
شاہِ اُمم خیرالبشر شہِ کائنات ہے
اُمت کی خاطر مصطفیٰ راہِ نجات ہے
 
خلقت میں اَولین اور ختم المرسلین
آدم سے پہلے خلق ہوے شاہ مُذنبین
 
ذاتِ نبیؐ لولاک ہے بس نُورِ نورانی
حُسن و جمال، اخلاق میں محبوب سُبحانی
 
رحمت ہے عالمین پر، نبیوں کے تاجدار
کوثر کے میرِآب اور کونین کے سردار
 
محشر کا شافع مومنو خیرالانام ہے
قدرت نبیؐ کو کررہی پیہم سلام ہے
 
یارب مظفرؔ کررہا محمدؐ کی اطاعت
اُجرت ہے جس کی لازماً محشر کی شفاعت
 
حکیم مظفرؔ حسین
باغبان پورہ لعل بازار
موبائل نمبر؛9622171322

تازہ ترین