تازہ ترین

کوٹرنکہ میں 4ماہ سے تحصیلدار کی کرسی خالی

تاریخ    15 ستمبر 2021 (00 : 01 AM)   


محمد بشارت
 کوٹرنکہ //سب ڈویژن ہیڈ کوارٹر کوٹرنکہ میں گزشتہ چار ماہ سے تحصیلدار کی کرسی خالی پڑی ہوئی ہے جس کی وجہ سے مقامی لوگوں کو ضروری لورزامات حاصل کرنے میں دقتوں کا سامنا کرناپڑریا ہے ۔جموں وکشمیر اپنی پارٹی کارکنوں نے انتظامیہ کی سستی پر ناراضگی کا اظہار کرتے ہوئے کہاکہ گزشتہ کئی عرصہ سے آفیسر موصوف کی کرسی خالی پڑی ہوئی ہے تاہم ابھی تک اس سلسلہ میں کوئی عملی قدم نہیں اٹھایا جارہا ہے ۔کوٹرنکہ میں جمع ہوئے کارکنوں نے کہاکہ اس سلسلہ میں کئی مرتبہ متعلقہ حکام سے بھی رجوع کیا جاچکا ہے ۔غور طلب ہے کہ سابقہ تحصیلدار رواں برس کے اپریل ماہ میں سبکدوش ہوگئے تھے تاہم اس کے بعد کسی متبادل آفیسر کی تعیناتی ہی نہیں ہوسکی ۔انہوں نے جموں وکشمیر کے لیفٹیننٹ گورنر سے مانگ کرتے ہوئے کہاکہ جلدازجلد کوٹرنکہ میں تحصیلدار کو تعینات کیا جائے تاکہ عام لوگوں کو درپیش مسائل حل ہوسکیں ۔