نعتِ حبیب ﷺ

تاریخ    20 جون 2021 (00 : 01 AM)   


وطن کے لیے ہےمدینے کی چاہت
 مجھے خوشبوؤں میں ہے جینے کی چاہت
 
میں مشک و ختن عودکو کیا کروں گا
مجھے ہے نبی ﷺ کے پسینے چاہت
 
جو پہنچادے ہم کو دیار  نبی تک
ہمیں تو ہے ایسے سفینے کی چاہت
 
مرے دل کو چاہے ہے عشقِ نبی یوں
انگو ٹھی کو جیسے نگینے کی چاہت
 
مٹادے خیالاتِ جام و سبو تو
اگر جام کوثر ہے پینے کی چاہت
 
تو پھر نقش پائے نبی ﷺڈھونڈ’’زاہدؔ‘‘
دوعالم کی گر ہے خزینے کی چاہت
 
محمد زاہد رضابنارسی 
دارالعلوم حبیبیہ رضویہ 
گوپی گنج،ھدوہی،یوپی انڈیا
 
 
 
 

تازہ ترین