تازہ ترین

بڑی براہمناں فیکٹری کے 17ورکر کورونا مثبت

تاریخ    6 جولائی 2020 (00 : 02 AM)   


سید امجد شاہ
جموں //سانبہ کے صنعتی علاقے بڑی براہمناں کی ایک فیکٹری سے 17ورکر کورونا وائرس سے متاثر پائے گئے ۔ چیف میڈیکل افسر سانبہ راجندر سنگھ سمبیال نے بتایا’’پیپسی فیکٹری بڑی براہمناں کے 17ورکروں کی آج کورونا رپورٹ مثبت آئی ہے جبکہ دوروز قبل اسی فیکٹری کے 2ورکر کورونا میں مبتلاپائے گئے تھے‘‘۔انہوں نے بتایاکہ انہوں نے پیپسی کمپنی کے لگ بھگ500ورکروں کے کورونا نمونے حاصل کئے اوربیشتر کے نتائج ملنے کا انتظار ہے ۔انہوں نے بتایاکہ 17ورکروں کے نمونے مثبت آنے کی تصدیق ہوئی ہے جبکہ دو ملازم دوروز قبل مثبت پائے گئے تھے ۔انہوں نے بتایاکہ ابتدائی معاملات میں ڈپٹی منیجر رینک کا ایک منتظم بھی کورونا مثبت پایاگیااور فیکٹری کو حکام نے وقتی طور پر سیل کردیاہے۔
 

تازہ ترین