تازہ ترین

سری لنکا کا ورلڈکپ 2011 فائنل فکسڈ ہونے کی تحقیقات کا اعلان

وزرات کھیل کی جانب سے معاملے کی مکمل چھان بین کی انکوائری کے احکامات جاری کیے گئے

تاریخ    20 جون 2020 (00 : 03 AM)   


 کولمبو/ورلڈ کپ 2011 میں بھارت کے خلاف میچ فکسڈ ہونے کے الزامات پر سری لنکا میں اعلی سطحی تحقیقات کرانے کا اعلان کردیا گیا ہے۔میڈیا رپورٹس کے مطابق وزرات کھیل کے سیکریٹری کی جانب سے معاملے کی مکمل چھان بین کی انکوائری کے احکامات جاری کردیئے گئے ہیں، اس وقت ٹیم مینجمنٹ کا حصہ اسٹاف کے بیانات بھی ریکارڈ کیے جائیں گے، اورسابق وزیر کھیل سے پوچھ گچھ کرکے ان سے مزید تفصیلات حاصل کی جائیں گی۔سابق وزیر کھیل ہیرن فرنینڈو نے بھی ٹویٹ کرتے ہوئے کہا ہے کہ کھیلوں میں غلط کام کرنے والوں کو سزا دینے کے لئے گذشتہ سال پارلیمنٹ میں ایک نیا ایکٹ منظور کیا گیا ہے، جس کے تحت   ذمہ داروں کے خلاف ایکشن لیاجاسکتا ہے۔