نعتیں

تاریخ    24 اپریل 2022 (00 : 01 AM)   


نعت شریف

جِسے بھی خوف ہو روزِ جزا کا
وہ دامن لے خیرالورا کا
 
ذرا چومو تو در غارِ حرا کا
پتہ مِل جائے کا بادِ صبا کا
 
جو پیاسی رُوح کو تسکین دے دے
ترا کلمہ ہے وہ جھونکا ہوا کا
 
محمدؐ پر بھروسہ کرکے دیکھو
صِلہ مِل جائے گا تُم کو وفا کا
 
ہزاروں پاپ دھو دیتا ہے پَل میں
اِشارہ اِک محمد مصطفےٰ کا
 
سردار پنچھیؔ
جیٹھی نگر، مالیر کوٹلہ روڑ، کھنہ پنجاب
موبائل نمبر؛9417091668
 
 

نعت 

زمین و فلک پر عیاں ہیں محمد ؐ
’’کلیدِ ظہورِ جہاں ہیں محمدؐ ‘‘
 
کریں یاد ہم قصۂ فتحِ مکہ 
حریفوں پہ بھی مہرباں ہیں محمد ؐ
 
بلاوا مؤذن کا  الله اکبر 
اذاں کے سفر میں رواں ہیں محمد ؐ
 
اِدھر بات حق کی اُدھر بات حق کی 
یہاں ہیں محمدؐ وہاں ہیں محمد ؐ
 
ہمیں ڈر نہیں موجِ ظلمت کا عادل ؔ
سفینے میں جب بادباں ہیں محمد ؐ
 
اشرف عادلؔ
سرینگر کشمیر 
موبائل نمبر؛9906540315
 
 
 
 

نعتِ نبیﷺ

پہنچے جب تو ذکی دیکھتے رہ گئے
حسنِ شہرِ نبی دیکھتے رہ گئے
 
پھولوں کی دلکشی کا بیاں کیا کریں
خس کی رعنائی ہی دیکھتے رہ گئے
 
روضہءمصطفٰی پر نظر جب پڑی
اس کی جلوہ گری دیکھتے رہ گئے
 
زیبِ دنیا پہ نظریں نہ ٹھہریں مگر
طیبہ کی ہر گلی دیکھتے رہ گئے
 
خاکِ پاکِ مدینہ سے ہر اک قدم
اُگتی پاکیزگی دیکھتے رہ گئے
 
سبز گنبد سے ہر لمحہ رحمت زدہ
پھوٹتی روشنی دیکھتے رہ گئے
 
جیسے ہی پہنچے دربارِ سرکار میں
غم کو بنتےخوشی دیکھتے رہ گئے
 
آفریں پا کے فردوس کا تحفہ ہم
لطفِ فیضِ نبی دیکھتے رہ گئے
 
ذکی طارق بارہ بنکوی
  سعادت گنج،بارہ بنکی،یوپی
 

تازہ ترین