مودی نے سول سروسز ڈے پر سرکاری ملازمین کو مبارکباد دی

عظمیٰ ویب ڈیسک
نئی دہلی/وزیر اعظم نریندر مودی نے سول سروسز ڈے کے موقع پر سرکاری ملازمین کو مبارکباد دی اور ان پر زور دیا کہ وہ گڈ گورننس اور قوم کی تعمیر کے لیے اپنے عزم کا اعادہ کریں۔
سوشل میڈیا پلیٹ فارم ایکس پر، مسٹر مودی نے لکھا، “سول سروسز ڈے کے موقع پر تمام سرکاری ملازمین کے لیے میری نیک خواہشات۔ یہ اچھی حکمرانی اور قوم سازی کے لیے کام کرنے کے ہمارے عزم کو مزید مضبوط کرنے کا موقع ہے۔ زمینی سطح سے لے کر پالیسی سازی تک، سرکاری ملازمین کی کوششیں بے شمار لوگوں کی زندگیوں کو چھوتی ہیں اور ہندوستان کی ترقی میں اپنا حصہ ڈالتی ہیں۔ دعا ہے کہ ہمارے سرکاری ملازمین فرض کے اعلیٰ معیار کو برقرار رکھتے ہوئے عمدگی، ہمدردی اور جدت کے ساتھ قوم کی خدمت کرتے رہیں۔
وزیر اعظم نے کہا کہ قوم کی خدمت ’وکست بھارت‘ کی بنیاد ہے۔ سول سروسز ڈے کے شاندار موقع پر آئیے، آخری صف میں کھڑے شخص کو ترقی کے مرکزی دھارے سے جوڑ کر ایک مضبوط، خوشحال اور حساس ہندوستان کی تعمیر کے اپنے عزم کا اعادہ کریں۔
قابل ذکر ہے کہ سول سروسز ڈے ہر سال 21 اپریل کو منایا جاتا ہے۔ اس دن ہندوستان کے انتظامی افسران کے تعاون کو سراہا جاتا ہے اور شہریوں کی خدمت کے لیے ان کی لگن کا اعادہ کیاجاتا ہے۔ یہ دن 1947 میں سردار ولبھ بھائی پٹیل کی تاریخی تقریر کی بھی یاد دلاتا ہے۔ 21 اپریل 1947 کو دہلی کے میٹکاف ہاؤس میں انڈین ایڈمنسٹریٹو سروس کے تربیت یافتہ افراد کے پہلے بیچ سے خطاب کرتے ہوئے، سردار پٹیل نے انہیں قوم کا “اسٹیل فریم” قرار دیا تھا اور قوم کی یکجہتی اور اتحاد کو برقرار رکھنے میں ان کے اہم کردار پر زور دیا تھا۔
اس موقع کو عام طور پر متعدد پروگرام اور ایوارڈ کی تقریبات منعقد کی جاتی ہیں، جن میں مختلف شعبوں میں عہدیداروں کے شاندار کام کو تسلیم کیا جاتا ہے۔ یہ انعقاد حکومت کے نقطہ نظر کی عکاسی کرتے ہیں، جس میں کارکردگی، شفافیت، اور شہریوں پر مرکوز گورننس پر خصوصی توجہ دی جاتی ہے۔