سرینگر/سرینگر۔جموں شاہراہ پر لیتہ پورہ کے نزدیک گوری پورہ میں جمعرات کو جنگجوئوں نے سی آر پی ایف کی ایک گاڑی کو نشانہ بناتے ہوئے حملہ کیا جس کے نتیجے میں خبر رساں ادارے پی ٹی آئی کے مطابق کم سے کم 30اہلکارہلاک اورمتعدد زخمی ہوگئے۔
جنگجوئوں کا یہ حملہ اپنی نوعیت کا انوکھا حملہ تھا جس میں جنگجوئوں نے سی آر پی ایف گاڑی کو دھماکے کی زد میں لایا۔
اطلاعات کے مطابق علاقے میں ایک زور دار دھماکے کی آواز سنی گئی جس کے بعد علاقے میں لوگوں کو بھاگتے ہوئے دیکھا گیا۔
پولیس ذرائع کے مطابق جنگجوئوں نے بارود سے بھری ایک گاڑی فورسز کانوائے میں لاکر اس کو دھماکے سے اُڑادیا جس کے نتیجے میں بھاری پیمانے پر ہلاکتیں ہوئیں۔
ذرائع نے مزید کہا کہ دھماکے سے درجنوں اہلکار زخمی ہوگئے جن میں اب تک 30جاں بحق ہوگئے ہیں۔
