کورونا پابندیاں ختم،برطانوی وزیر اعظم کا اعلان

لندن// برطانوی وزیر اعظم بورس جانسن نے کورونا وائرس سے متعلق تمام پابندیاں اٹھانے کا اعلان کردیا ہے جبکہ  19 جولائی سے تمام بزنس اور نائٹ کلب کھل جائیں گے۔ لندن میں پریس کانفرنس کرتے ہوئے  برطانوی وزیر اعظم بورس جانسن نے کہا کہ ہمیں کوویڈ کے ساتھ جینا سیکھنا ہوگا،  لوگوں کو وائرس سے محفوظ رہنے کے لئے اب خود ہی فیصلیکرنا ہوں گے۔برطانوی وزیراعظم نے اعلان کیا کہ 19 جولائی سے پبلک ٹرانسپورٹ اور دکانوں میں لازمی ماسک پہننے کی پابندی ختم کردی گئی ہے، اس کے بعد ماسک رضا کارانہ طور پر پہنا جاسکے گا۔بورس جانسن نے کہا کہ کورونا وائرس کے دنوں کی ایک میٹر کی سماجی دوری کی شرط بھی ختم کی جارہی ہے ۔