دہلی کے متعدد علاقوں میں بارش

نئی دہلی //قومی راجدھانی دہلی کے متعدد علاقوں میں جمعرات کی رات والی بارش سے لوگوں کو سخت گرمی سے تھوڑی سی راحت ملی۔محکمہ موسمیات نے بتایا ہے کہ جمعرات کو یہاں زیادہ سے زیادہ درجہ حرارت 41.8 ڈگری سیلسیس ریکارڈ کیا گیا جو معمول سے پانچ ڈگری زیادہ ہے ۔ اسی کے ساتھ ہی کل یہاں زیادہ سے زیادہ درجہ حرارت 40 ڈگری سیلسیس اور کم سے کم درجہ حرارت 29 ڈگری سیلسیس کے قریب رہنے کی توقع ہے ۔محکمہ موسمیات کے مطابق قومی دارالحکومت میں صفدرجنگ آبزرویٹری میں کم سے کم درجہ حرارت 30.6 ڈگری سیلسیس ریکارڈ کیا گیا۔ نمی کی سطح 40 فیصد ریکارڈ کی گئی۔ محکمہ موسمیات کا کہنا ہے کہ آج شام جنوبی دہلی ، ہریانہ کے گوہانا اور روہتک ، اترپردیش کے رام پور ، چندوسی ، سہسون اور راجستھان کے ناگر میں گرج چمک کے ساتھ ہلکی سے درمیانی بارش کے ساتھ ساتھ 20 سے 40 کلومیٹر فی گھنٹہ کی رفتار سے ہوا چلنے کے آثار ہیں ۔مرکزی آلودگی کنٹرول بورڈ (سی پی سی بی) کے مطابق ، دہلی میں جمعہ کی شام 6.05 بجے ہوا کوالٹی انڈیکس (AQI) ریکارڈ کیا گیا۔