اونتی پورہ// جنوبی کشمیر کے ضلع پلوامہ کے ترال،ہردومیر علاقے میں فوج اور عسکریت پسندوں کے درمیان گولی باری میں دو جنگجو مارے گئے، حکام نے معاملے کی تصدیق کرتے ہوئے اس بات کی جانکاری دی۔
ایک سینئر پولیس افسر نے بتایا کہ دو عسکریت پسند مارے گئے ہیں جن کی شناخت کا پتہ لگایا جا رہا ہے جب کہ علاقے میں سرچ آپریشن جاری ہے۔
اس سے قبل، ایک اہلکار نے بتایا کہ پولیس، فوج اور سی آر پی ایف کی ایک مشترکہ ٹیم نے علاقے میں عسکریت پسندوں کی موجودگی کی مخصوص اطلاع پر ایک محاصرہ اور تلاشی آپریشن (CASO) شروع کیا۔
انہوں نے کہا کہ جیسے ہی فورسز کی مشترکہ ٹیم مشتبہ مقام کی طرف پہنچی تو چھپے ہوئے جنگجوو¿ں نے ان پر گولی چلائی جس پر جوابی کارروائی کی گئی۔
واضح رہے کہ ہفتہ کی صبح شوپیاں کے چوگام علاقے میں ایک تصادم میں دو جنگجو مارے گئے ہیں۔
