سرینگر // جموں و کشمیر میں پچھلے 24 گھنٹوں کے دوران 28ہزار 60 تشخیصی ٹیسٹ کئے گئے جن میں 301 کی رپورٹ مثبت آئی اور اسطرح متاثرین کی مجموعی تعداد ایک لاکھ 18ہزار6ہوگئی ہے۔ ان میں 48ہزار 421جموں جبکہ 69ہزار 585کشمیر صوبے سے تعلق رکھتے ہیں۔ سنیچر کو مزید 4افراد کورونا وائرس سے فوت ہوئے۔ مہلوکین کی مجموعی تعداد 1837ہوگئی ہے جن میں 672جموں جبکہ 1165کشمیر صوبے سے تعلق رکھتے ہیں۔ نئے 301معاملات میں سے 136کشمیر جبکہ 165جموں میںسامنے آئے ہیں۔ کشمیر کے 136معاملات میں 61سرینگر، 14بارہمولہ، 11بڈگام، 7کپوارہ، 14پلوامہ، 10اننت ناگ، 11بانڈی پورہ، 5گاندربل، ایک کولگام اور 2شوپیان سے تعلق رکھتے ہیں۔ جموں صوبے کے 165متاثرین میں 97جموں، 6ادھمپور، 9راجوری، 7ڈوڈہ، 14کٹھوعہ، 1 کشتواڑ، 8سانبہ، 4پونچھ،11رام بن اور 8ریاسی سے تعلق رکھتے ہیں۔
مزید 4اموات
کورونا وائرس سے جموں و کشمیر میں مزید 4افراد فوت ہوگئے۔ متوفین میں ایک کا تعلق کشمیر جبکہ 3جموں صوبے کے مختلف اضلاع سے تعلق رکھتے ہیں۔ کشمیر میں فوت ہونے والے ایک متاثرہ شخص کا تعلق شمالی کشمیر کے بانڈی پورہ سے ہے۔ بانڈی پورہ میں تعینات محکمہ صحت کے ایک سینئر ڈاکٹر نے بتایا ’’ چھٹی بانڈی سے تعلق رکھنے والے ایک 55سالہ شخص کورونا وائرس سے پیدا ہونے والے نمونیا سے سکمز صورہ میں فوت ہوگیا ہے۔ سینئر ڈاکٹر نے بتایا کہ متاثرہ شخص ہائی بلڈ پریشر اور دیگر بیماری کے علاوہ وائرس سے متاثرہ ہوتا تھا اور اس کو چند دن قبل اسپتال منتقل کیا گیا جہاں وہ فوت ہوگیا ہے۔ جموں صوبے میں کورونا وائرس سے سنیچر کو مزید 3افراد فوت ہوگئے ۔ وائرس سے فوت ہونے والے3متاثرین میں سے ایک کٹھوعہ جبکہ 2سانبہ ضلع سے تعلق رکھتے ہیں۔
حکومتی بیان
سرکاری بلیٹن میں بتایا گیا ہے کہ نوول کورونا وائرس کے118006معاملات سامنے آئے ہیں جن میں سے4076سرگرم معاملات ہیں ۔ اَب تک1112093اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد1,837تک پہنچ گئی ،جن میں سے 1,165کا تعلق کشمیر صوبہ سے اور673کاتعلق جموں صوبہ سے ہیں۔اِس دوران آج مزید465فرادشفایاب ہوئے ہیںجن میںجموں صوبے کے281فراداور کشمیر صوبے کے اَفرادشامل ہیں۔بلیٹن میں مزید کہا گیا ہے کہ اَب تک 3503197ٹیسٹوں کے نتائج دستیاب ہوئے ہیں جن میں سے 19؍دسمبر 2020 ء کی شام تک 3385191نمونوں کی رِپورٹ منفی پائی گئی ہے ۔علاوہ ازیں اَب تک844083افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں27394اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔4076 اَفراد کوآئیسولیشن میں رکھا گیا ہے..
